當前的位置 : 首頁
作者 : 小炒黃 | (人氣:673) | 2017-06-16 22:14
近期香港股市有好多財經新聞都幾有趣, 例如:早一晚已預告會停牌既隆成金融(1225) 竟然會有成交, 為投資者打開最後逃生門? 另外, 最近沽空機構頻頻出手, 接二連三不斷狙擊, 有殺錯無放過, 最近這兩個月狙擊目標有 ”殞星”科技 (2018),科通芯城 (400), 敏華 (1999) 及達利食品 (608) 相繼中彈。其實近幾年, 都有為數不少股票被狙擊, 早有2011年穆迪紅旗報告, 繼而有渾水, 匿名, 香櫞, 葛咸城, 烽火, Glaucus, 鍾馗, Emerson, Alpha Management等沽空機構紛紛出現, 最搞笑係今次竟然有沽空機構為隻 2018 互撼, 一個唱淡, 另一個力撑唱好, 誰對誰錯留待市場股價判決。講完沽空狙擊, 小弟有一招好簡單既招式可明哲保身, 避開有機會被沽空機構睇中, 呢招名為 “本來無沽空, 何處惹狙擊。” 只要買那些不在沽空名單上的股票就不會被狙擊。呢招確實認真有用, 因為沽空機構理應不會狙擊那些不可沽空的股票, 理由好簡單, 沽空機構不能透過沽空從中獲利, 無理由浪費時間研究。我既學派簡既股都好少係沽空名單上, 就算有得借貨沽空, 利息十分昂貴, 而且殼股多數市值細兼圍晒飛, 流通量低, 乾度十足, 再加埋數晒花, 沽空機構幾乎注定敗走, 如最近被狙擊既豐盛控股 (607) 都見真章。另外, 沽空成本除左要俾利息外(尤其是玩停牌消耗戰), 亦有機會負上法律責任, 如穆迪都被罰款及之前狙擊恆大(3333) 既香櫞都要交回盈利 (160萬) 及法律費用 (400萬), 還要被 cold shoulder order 冷淡對待(5年內不能參與香港股票買賣) ,所以每次出擊成本都好高, 非一擊即中不可。
免責聲明:以上的推介並不構成任何投資建議,投資涉及風險。