當前的位置 : 首頁 > 所有文章 > 其他財技
仁恆實業 (3628) 攻防戰
作者 : 渾水 | (人氣:1141) | 2014-08-22 14:36

這是一隻莊家不想街外人買的股票。(吊,廢話,有邊隻唔係架?)

請聽我慢慢說,話說我一直在收集這隻股票。這間公司的ask side pattern係咁的:spread一定唔tight架啦,乾啊嘛!中銀會慣常掛一個4K的盤、低一tick再掛一個32K的盤,掃晒繼續都係呢個 pattern掛盤。我通常都係陰D陰D掃,有時掃到街外人的貨咁。有一日,有條茂利搶貨,我試了佢幾下,先掃了6K,佢會把剩餘的30K一口吃掃,來回 幾次也是這樣。結果有一日成交打高左,個價也在上午掃高20幾%,順道上了十大主板頭三。

既然掃高左,又曝左光,我估多少都會有D人開始留意這股票。我衡量一下貨底,我也收得7788,可以同佢玩玩,之後就陰D陰D幫手掃高去。可惜,下午有心 人轉了玩法,應該call齊人腳,本來上午得中銀一個牌,下午結果連申銀萬國也出了來。那個搶貨的茂利也收了皮,結果大家只做了一二下,有心人就把原先 20幾%打回原型,收市無升無跌。我這個做法叫莊閒不分,是死有餘辜的,又上了一課。這同時,印證了個莊未ready,唔想股份太高調。

我看中這隻股是因為這間公司做煙仔的,我對所有做煙仔的公司都情有獨鍾,煙仔股全部都係好易炒,往績很好,而且又是啤殼專用的好業務。

落筆時候市值3億多,比5億殼價有折讓。股份也是非常乾,自己睇,計得太多次都唔想計。

 

1.png

 

煙仔行業、乾同市值細不夠成為我買入的原因,最重要係因為佢係創仔轉過黎的公司。轉主板前編號是8012,一直都是待機狀態,從來沒炒過的。無啦啦低調轉 主板,必有大動作。而且,大股東魏勝鵬和Singapore上市的內房公司仁恆老闆是親戚,背後有個靠山照住,魏先生的人頭味也濃了。我主觀地希望仁恆能 夠把部分內房業務擠入去隻殼度,咁就升價十倍了。這個關係,在主板的上市文件找不到,要在當年創業板的上市文件才找到端倪,做得頗隱密的。

轉主板也過了大半年,少了一點限制,所以我還是有點期待。


-->
免責聲明:以上的推介並不構成任何投資建議,投資涉及風險。