當前的位置 : 首頁
狐狸愛作戰
作者 : 老狐狸 | (人氣:1475) | 2014-09-13 00:00

狐狸愛作戰

話說老狐狸在上一篇文章「狐狸大翻身」建議大家減低持倉,增持現金,主因為近期贏得實在太易了(不是小弟囂張),令狐狸的持倉轉虧為盈,加上老狐狸外遊,市場人仕又炒得如痴如醉,令老狐狸不禁心寒,故此作出「增持現金」的建議,旅遊回來後在phemey.com一看,原來又給李洛克在文章中給讚,老狐狸都希望李洛克兄都可以win多d。

如上次所說,每次老狐狸外遊,狐狸倉總有一些事令老狐狸記憶深刻,今次也不例外,話說早前在寫「證劵業的最後高潮」時,老狐狸曾私下買入瑞東集團 (376.hk),但股數只有兩萬多股,此股份向來成交疏落,在一個星期內亦只買到該兩萬多股,買入價約$2.6x,買入原因只要其夠「低調」,另一個原 因是佢大股東「高振順」三個字,(注意:不是「魯振順」)。

(以下為小弟copy自狐狸倉的其中一份結單部份,為保障老狐狸的命仔,不能透露完整結單,信就信,唔信就算了,可以自始跳過小弟的文章)

1.png

1.1.png(按:老狐狸是8月18日出發的)

(老人家係電腦白痴,CAP圖CAP得差,唔好意思)

 

但在出發前約一星期左右,老狐狸建議大家增持現金的同時,老狐狸亦身體力行地增持現金水平,故把個「少少」的376.HK約少勝沽出,不意為意的去旅行。

就在老狐狸高高興興外遊的短短一個多星期,有一日瞓醒,慣性地開etnet 的app查股價,駭然出現一單「狐」間悲劇,點解?點解?點解376最高去過$18蚊??? 天呀,三十萬……..下刪一萬個字的粗口,不要怪我,換轉係你都會。

老狐狸即時心灰意冷,透過WHATSAPP通知所有人這惡號,但WHATSAPP上眾人都唔信,仲一副「抵你死」的口吻,邊個唔好講,所以老狐狸當時都無謂拎個結單出黎佐證。

 

老狐狸回到香港後頭兩天,傻下傻下又買番D 股,結果就俾大市打醒了(是左一巴,右一巴)。老狐狸立定心腸,除兩只核心研究的股份外,只餘下3隻乾到沽不出的股份,現金水平由放假時的五成,再調高到七成。

當然,有朋友會問,咁你上次叫人「增持現金」WORK唔WORK,老狐狸真係唔識答,因為大家只睇住指數,無睇到個別股仔的上落,只係大家覺得呢個星期炒股仔易唔易搵錢先?

–              如果你答「易」,那老狐狸恭喜你,你功力深厚,以後可以唔駛睇我寫野,或者當我係「燈」都得,(詳情請參考神奇小子的「明燈投資法」,話晒佢都係莊家手上贏左好大筆)

–              如果你答「難」,那多謝你俾面,以後大家繼續聽我點啦。

 

講左咁耐,今次老狐狸有無推介呢?

其實老狐狸覺得近期個市都好飄忽,我覺得大家可以採取日治時期的漢奸策略,靠邊站,簡單D即係幫贏個邊,所以先持現金,唔好以為持現金係乜都唔做,相反,按我師傳話齋,持有現金亦係策略的一種。

  1. 個市有力爆上既,咪再撲埋去挾淡友咯。

  2. 如果個市真係回既,睇番一下老狐狸之前的推介,又或者係一D早前熱炒的板塊,我相信勝算會高一點。

 

有無個股推介先?

正如上一篇「狐狸大翻身」曾提及,小弟睇過兩隻股,一隻係「同得仕」(518.HK),主要原因係佢標售緊佢座同得仕大廈,賣得出的話所得資金比市 值更大,加上佢早前曾出售部份本業,有咩意思?自己諗下啦,或者上下周顯大師或者PHEMEY的堂,唔上都睇下報紙,近日都有報紙唱左了,所以老狐狸輕描 淡寫就算了,唔再就呢隻寫文了,無謂俾人話我抄文,而老狐狸現時仍有少量此股。

另一隻,不說也罷,因為似乎「炒完了」。

 

老狐狸的心理狀況

  1. 老狐狸近日對寫文的興趣接近零,D資料自己睇過下,組織一下,覺得可以的買D就算,要用幾日時間來寫一篇文章似乎用不起呢D心力。係呀,寫一隻股份要用幾日架,今次呢篇除外,因為老狐狸一係唔寫,一寫就唔會渣流灘。

  2. 從來狐狸搵食都只會鬼鬼鼠鼠偷蕃薯個隻,你幾時見過狐狸會成群去捕獵架?所以老狐狸好想好似以前咁單打獨鬥,單嫖獨賭………….,無乜壓力,唔會 跟人搵食,又唔駛趕稿,反正寫文章只係一個自我肯定的過程 (即係無稿費),老狐狸都好有自信單憑一己之力可以咁繼續捉D老鼠昆蟲食。

  3. 愛作戰的老狐狸仍然會在股壇作戰下去,至於文章啦喎,睇下點啦,如果下次大家有機會見到小弟寫既,俾下面就跟D,唔想睇的跳過就算,不要「踩」我,老人家,臉子要緊嘛…..。

 

(按:這篇文章應2星期前POST的, 但由於phemey.com revamp提昇中, 和IT 的KK 出現誤會, 但寫左無理由唔POST架, 好彩今次無乜推介者)


-->
免責聲明:以上的推介並不構成任何投資建議,投資涉及風險。