當前的位置 : 首頁
生化危機
作者 : 魂斗羅 | (人氣:422) | 2014-09-17 00:00

唔驚唔覺中秋節一眨眼就過,地溝油月餅又食完,如果大家仲捱得住,應該會見到人鬼同樂既萬聖節。
近年慶祝萬聖節既大型節目都係由本地兩大主題公園包辦,熱門嘉賓通常都係龍婆與另外一種角色,殭屍。

殭屍呢個物種非常特別,中式清裝跳住出現又得,西式着住踢死兔吸茄汁又得,不過近年各種媒體的創作人給與它的一種全新定義,就 係以病毒形式出現。根據本人記憶所及,第一次出現這種病毒式殭屍是在電子遊戲生化危機內,故事內講述一間大型企業意外地從實驗室流出病毒,感染了一大班平 民百姓,病發後病者會變成喪屍,四出襲擊其他平民,以上情景係咪有D眼熟呢,你地如果宜家搭飛機去西非,你肯定提早過節……哈佬喂。

好多年前叉燒包影帝黄秋生主演的電影伊波拉病毒,將此種恐怖病毒介紹給香港人認識。回想起當時戲內病毒擴散的情景,我相信同宜家西非情況非常相似,唯一唔同既係原來外國藥廠一早已經有藥去應付,係未過最後臨床測試咁解,科技真係近乎無所不能。

每次發生病毒爆發,當然立即要檢視下D醫藥股,結果發現整個版塊動力强勁。好似D半新股1345, 2211, 1358, 2186, 全部表現相當對辦。有一說法是近期國內大力打貪,變相所有回佣王都要收工,否則隨時變左周永康的好兄弟,一起就義。正因如此,平時用來疏通渠道的費用大幅 減少,醫藥股就係咁曲線受惠,吹脹。

早前其中有一隻醫藥股動作多多,吸引起我的注意並且入貨,呢隻係四環藥業460。雖然公司

市值大約640億,絕對屬於大型股,不過早前的升幅絕不失禮,體現財技加上動力的結果。

公司在18-3-2014宣佈大股東以9.27即折讓4.3%向街外配股,佔當時已發行股本約2.32%,復牌後股價開始調整。

公司在28-4-2014宣佈建議發行紅股,每持有一股可獲派送一紅股。

自此,股價圖顯示此股開經建立支持,並以一浪高於一浪的走勢向上進發,技術型態大好。近日此股更以強勢創出新高6.23,雖然股價已在高位,但我仍然對它看好及繼續持有。同時上文提及的半新股我也同樣看好及繼續持有。


-->
作者 - 個人投資者,喜愛以技術分析角度看股市,簡而言之追漲殺跌。
免責聲明:以上的推介並不構成任何投資建議,投資涉及風險。