當前的位置 : 首頁 > 所有文章 > 大市分析
大市巳突破,回調即加注
作者 : 龍威 | (人氣:507) | 2014-11-05 00:00

小弟早前發現,上次篇大巿分析文章,對下有則有趣廣告,內容是”如欲學習不理會市況,也能從中找到爆升股機會,可參加下述課程⋯⋯”  嘩,咁樣抽水都得,小弟實在拜服!! 但小弟覺得咁樣未夠盡,應該話 “如欲學習不理會老闆、不須工作,也能從中找到爆升股機會賺大錢,可參加下述課程⋯⋯”

咁樣先至夠堅!  拿,一定會有人話,呢D咁既練精學懶,教人放棄工作,炒股搵快錢既丫理,唔可以講到咁白,亦唔係賺錢正道。 挑! 佔中班人,莫視大部人反對意見,自稱崇尚民主自由,卻剝削其他人自由,損害别人利益,強迫所有人接受佢個套,仲話長遠為大家好,所以要迫你地犠牲,呢D咁 既丫理宜家都當正係真理啦! 因此,相比起佔中,辭工炒股赚快錢已經唔算係咩丫理,簡直係濕濕碎,起碼炒股輸錢只係自已受若,唔會損害别人利益及自由,又冇犯法。

 

廢話講完,實際啲,講番個大市,究竟宜家應該進攻定防守呢? 又要略略從美股講起。如果閣下有跟開小弟文章,小弟係個多月前話個市唔掂,叫大家離場,誰不知還未黎得切出文,美市已收覆失地,並開似再創新高,令小弟威 唔夠一個月。但事實上,若閣下有睇過小弟10月初篇文,應可捕足到今次返回升,唔係亂吹,現在解釋下,睇番個最新Dow Jones圖

2.png

早前講過,9月22日其中一個重要見頂訊號,就係嗰條避雷針/老鼠尾嘅出現。但佢嘅出現必須配合以下3個條件:

1)升咗一段時間先出現

2)有大成交配合

3)出現後第二日都冇力返彈。

 

22/9之後個市一路係咁跌,直至15/10,同樣條件再次出現,不過情況係調番轉頭,跌咗一段時間出現老鼠尾,大成交配合,第二及第三日都冇再跌,係見底訊號,之後就一直升到宜家。嗱,冇吹水,即學即用。

 

早前講過,我唔會信晒單一圖表,最好得到其他野互相確認,再睇下個S&P500圖,情況一模一樣:

 

3.png

 

為提高準成度,最好再獲得 “債、匯、金” 互相確認,先睇下個10年美債息率圖,基本上確認咗今次美股見底。大家記住,美債息跌即錢離開股市流向債市,債息升即錢離開債市流向股市。

4.png

再睇下美匯指數,由15/10開始已冇進一步下跌,並在20/10開始走強。

美匯指數下跌,對美股不利,上升則利好美股。

5.png

金價走勢雖然没有100%反映股市,但係22/10開始轉弱,並再創新底,利好股市。

6.png

 

咁多見底回升言訊號,講到咁醒,咁小弟係咪淨買美股指數都賺大錢?

答案係冇,因為小弟9月份睇美股實在睇得太淡,將大部分資金撤離並調回香港,只剩下少量殘餘部隊係美市作戰,當時雖再入市,但作用不大,如果唔係真係賺大錢,真係人間慘劇!

至於後市點睇,小弟認為要進攻,但個人覺得可等回調少少再入。
點解?美市各樣訊號繼續利好股市,各指數續創新高。亞洲股市大哥日本突然又大印銀紙,日元及日股齊齊破位,日元7年新低,日股7年新高,將可帶起整個亞洲股市,見下圖:

 

7.png

 

 

睇番個最新恒指圖,上星期已突破咗我上次講個待變小三角,又有成交支持(十月尾成交增加),MACD亦早於10月尾出金叉,再加上港匯又開始有轉強跡象,若佔中班友冇再玩嘢,個市應該唔會差,但不中勿插,小弟怕痛。

 

8.png


-->
免責聲明:以上的推介並不構成任何投資建議,投資涉及風險。