當前的位置 : 首頁 > 所有文章 > 賣殻股票
要仔唔要乸 – 先傳媒 (0550.HK)
作者 : 保時捷 | (人氣:634) | 2014-11-08 00:00

近來流行興賣殼, 所以請容許我就繼續講返啲賣殼故事, 讀者們可能都知道, 因近來殼價不斷創新高, 令到好多公司想盡辨法上市, 先唔去諗集唔集到資, 只要係成功上市, 就立即賺得價值 5億嘅上市地位, 已經夠曬吸引啦. 因為咁既情況, 令到近來除左 IPO 上市外, 亦都多左一啲所謂既分拆上市, 意思係將上市公司入面可以符合上市既資產, 脫離出黎申請上市. 試想想, 如果您持有既上市公司有可以分拆嘅業務, 老虎蟹都攞出黎上市啦, 可以集資吸水. 又可以賺得5億殼價喎. 之後再將這個上市地位賣出, 真係賺到笑.

 

係咁大既利益引誘下, 分拆上市都漸漸地流行, 近年出名既就好似電能實業(0006.HK)分拆港燈電力(2638.HK), 太古股份有限公司分拆太古地產(1972.HK), 和記黃埔分拆和記港口信託於新加坡上市. 另外還有很多細價股都分拆上市, 當中部份有集資, 另外有些是沒有集資的, 而佢地都有唔同既目的, 坊間已經有很多專家對大股既分拆有詳細既分析, 我都唔浪費篇幅去講這類分拆, 而我就想主要研究細價股中, 關於分拆之後賣殼既投機.

 

一般黎講, 如果一個集團把子公司分拆上市, 其目的是賣殼的話, 通常都會係將子公司出售, 因為正常子公司既SIZE 都會細過母公司, 而子公司入面既資產會更為單一和簡單, 當要為買家清理這些資產時會更為方便, 所以正常也會博子公司賣殼, 預早買入並等待之後賣殼時的爆升. 但近來開始出現了一些特別的案例, 是反而將母公司出售, 之前的永利控股(0876.HK)和其子公司永利地產(0864.HK)便是其中一例, 反而是把母公司永利控股出售. 而小弟當時也押錯寶, 買入了子公司永利地產去博其賣殼, 最後眼白白睇著母公司爆升數倍.

 

而最近又有一單新的例子, 就係先傳媒 (0550.HK) 同其子公司匯星印刷 (1127.HK). 今次同樣地是母公司先傳媒被洽購賣殼, 但今次又是否完全冇路捉? 原來係今年年頭, 公司已有一些財技動作, 預示著今次賣殼既對象好大機會會係母公司, 下面我地一齊黎睇下.

 

母公司係2014年3月出左一份通告, 宣佈分派所有其持有既子公司股份, 並削減股份溢價以便大派未期股息HKD 0.20, 首先跟據公司通告內, 先傳媒持有子公司匯星印刷60.32%股權, 因此一路以來, 先傳媒都會把子公司匯星印刷既會計帳目合併到自已既帳目上. 這看似一件好普通既事, 但當看真啲, 原來一路以來,匯星印刷都擔負起整個集團, 並作為集團既經濟支柱, 母公司既業績中, 有68% 既營業額係由匯星印刷貢獻, 而且有72%既資產都是屬於子公司的, 因此我地可以知道, 當年公司進行分拆時, 已把大部份好野由母公司分拆出來到子公司內, 子公司才是會下金蛋的鵝. 反而母公司原來只剩不多的業務, 今次把子公司的股份實物分派, 就有如一般公司的清殼行動, 在分派子公司股份後, 子公司的會計帳目就不會再合併到母公司上, 母公司既帳目立刻簡潔曬, 變成一隻乾淨既靚殼. 由此可見, 公司已經在年頭為賣殼做準備, 而母公司再一次成為賣的對象, 要仔唔要乸, 而小弟對又一次走漏了一隻賣殼股, 真係無比既痛心, 就睇下今次所走漏既股票可以有多少升幅.


-->
免責聲明:以上的推介並不構成任何投資建議,投資涉及風險。