當前的位置 : 首頁 > 所有文章 > 大市分析
大市悶爆,等待突破訊號
作者 : 龍威 | (人氣:479) | 2014-10-23 00:00

過去一星期,個市整體悶爆,大、中、細股都極難揾食,大部份股票冇乜運行,所以又係時後花時間研究下大市狀況。

 

早前講過,大市對炒股影響絶對唔細,而以小弟經驗,睇大市會先從大哥大美股入手,再以金、汇及債互相確認,最好再配合資金流向,以及市場情緒分析,呢啲嘢加埋晒都屬艱巨工作,其實一啲都唔好玩…

 

事實上,過去幾年港市越來越難睇,原因之一,是以往港股及美股的co-relation極高,港股9成以上跟美股走,但近年大陸股市對港股影響力迅 速增強,有時幾乎可抵消美股對港股的影響,而美股及大陸股市很多都是對着幹的,一時間未必咁易睇到邊股力量大啲。而最慘嘅係,近期又多咗班有為青年大攪政 治活動,擾亂大市,一瞬間將我多年黎嘅功力一嘢打殘,在此真的要衷心感謝班示威人士!

 

言歸正傳,小弟上月大幅減持港股及美股,僥幸逃過一劫, 上一篇己解釋過美股當時嘅情況,今次會略為講下港股當時嘅狀況,以及小弟對後市嘅睇法。

先看看以下恆指圖:

20141023_1

 

 

睇單一圖表, 小不免涉及技術分析, 而小弟用技術分析,卻不會只依靠一兩個技術指標,因為好易瀨嘢。以小弟過住嘅PK經驗,使用技術分析,會尊守這項原則:

趨勢為先,成交為重,形態為次,技術指標為輔

請大家細心思考及緊記呢個口訣,係小弟多年嘅PK經驗所领會,睇書都冇教,非常珍貴,明白咗就唔會再比D財演老點。睇番個恆指圖,至9月初時趨勢基 本向上,並一浪高於一浪(白箭咀),一底高於一底,唯當時出現第一個明顯轉弱訊號,就是RSI及MACD同時間跟恆指出現三顶背馳,即一浪底於一浪,是重 要轉弱訊號(呢到唔長細講RSI及MACD原理及用法)。

第二個轉弱訊號,就係9月10日嘅裂口底開(红箭咀)。一個真正嘅強勢市況,好少有咁大個裂口底開,第二日及第三日都冇力彈番上去。

第三個轉弱訊號,就係9月12日跌穿支持位(藍箭咀)。呢個支持位唔單只係形態上既支持位,而是有成交支持的(白色圈住嗰堆嘢),插穿咗就比較麻烦,要到23,200點左右先有初步支持。

 

嗰恆指圖就出晒警號,但小弟一般最少都會睇多樣嘢,就係資金流向,先睇下呢個港滙圖。

20141023_2

 

德國股神科斯托蘭尼(André Kostolany) 曾經講過,主宰大市主要有兩樣嘢,1)資金流向  2)投資者心理/情緒。由9月15日開始,港滙已開始轉弱,即代表資金續步流出香港,與當時恒指圖既訊號互相確認,跟住個市就跌多近2000點。至於第二 項投資者心理/情緒,科斯托蘭尼本人都承認較難有橫一標準,但小弟一般會參考VIX(恐慌指數) 、債息、金價、以及防守性股份動向,來推搞市場氣分,呢度暫時唔長細講住。

至於後市點睇?是否已經見底,可以入市?  執筆時美股已開始反彈,但小弟暫時認為只係短期反彈,並唔係轉勢,再睇番最新恆指圖。

20141023_3

 

自10月3日反彈後,指數隨後窄幅上落,形成一個小三角,呢個係侍變形態,代表未有特定方向,繼續悶市。指數暂時仲停留係成交密區(即圖中圈住個堆 野),而自10月3日大成交反彈開始,之後成交不斷萎縮(红色箭咀),再加埋個小三角形,代表市場正在觀望,等代突破。雖然小弟最愛技術指標之一MACD 剛出現金叉利好訊號,但港匯暫無進一步轉強,其他條件亦未配合,故暫時不敢盡信MACD利好訊號,但個人相信向上突破機會較大。

20141023_4

另外亦要介绍下呢個圖,叫整體大市升跌比例圖,佢統計晒全港千幾隻股票,每曰既升跌比例。簡單D講,即當日全港所有股票,有幾多%升,幾多%跌,義 意重大。因為恆指只係反映幾十隻股票既升跌,代表性不夠全面。一個真正強嘅升市或跌市,唔應該只係集中於指數成份股,若升市未能得大部份股票配合,升勢可 能唔可以維持太耐,有機會純綷係大户做嘢夾高期指。

圖中所見,每次恆指大跌,都有超過7成股票跌(黑色箭咀) ,升市就多數得约一半股票升(最叻果次有79%),暫時唔上敢講大市轉好。

 

雖然唔敢講大市轉好,但小弟傾向相信離底不遠,會有反彈,執筆時已將早前撒離嘅資金,當中有50%都放番入股市,待突破訊號出現再作打算。


-->
免責聲明:以上的推介並不構成任何投資建議,投資涉及風險。