當前的位置 : 首頁 > 所有文章 > 大市分析
代理人戰爭續
作者 : 魂斗羅 | (人氣:515) | 2014-10-27 00:00

上次剛寫完四環藥業和軍方合作生產醫治伊波拉藥物,隔冇一陣又宣佈和軍事醫學科學院合作開發抗腺病毒一類新藥BR-01。據小弟粗淺理解,隻藥個作 用係滲入病毒的DNA, 繼而中出爆破,使其失去穩定性,之後進一步緊縛抑制其DNA的交合而達到清除病毒的效果。份公告話隻藥對很多病都有抗病毒活性,例如: 皰疹,人類乳頭瘤病毒,天花等等……預期個臨床用途仲堅,可以防治愛滋病病毒感染,宮頸癌預防,性病治療…………講左咁耐,原來醫性病?唔係下嘛,講呢 D!

1.jpg

 

再睇落去,方知戲玉未到。原來器官移移植和造血幹細胞移植患者常出現併發症,領嘢原因就係通常由腺病毒引起。宜家尚未有對此病毒的有效治療辨法,更 無抗腺病毒的藥物在國內外被批准上市。即係話如果隻BR-01有成果,隨時係獨市生意,咁又唔同講法了。呢個原因比研究醫性病合理得多,否則軍醫科院俾習 主席收檔都有份。

2.jpg

早幾日睇新聞報導,難得地見到一單國際新聞,仲要係有關太空科技的消息,當堂精神為之一振。報導說有架美國太空飛機重返地球;唓!大家可能話有乜大 不了呀,死鄉下仔!各位,聽埋先交叉我未遲;個報導仲話架飛機係上面飛左2年,而且是一架無人駕駛飛機,機艙內可放置小型人造衛星作發射用途。其實宜家大 家都未知呢架機將會做乜,只係估計有以下功能。

3.jpg

1) 有可能是一種軌道傳感器的測試平台,需知道大部份零件或系統被安裝到人造衛星上之前都需要在軌道上進行評估和測試。在這之前,這任務是由太空穿梭機負責的,而任務成本耗資不菲,據估計每次發射價格可以高達1億美元。

 

2) 也有可能是用于發射小型衛星,可能每次發射所需的準備時間比較小,而且成本也可能較平。換句話說,生產效率提高而成本又可以下降,用來做生意啱晒。

係時候將以上新聞連結炒股嘞!

 

早前有隻停牌股票在復牌後如火箭般上升10倍,當時大家仲以為炒緊隱形衣。其後公司發出通告簡述正在發展空間飛行器,用途可能是發射人造衛星。這不就是與以上新聞非常相似嗎?


-->
作者 - 個人投資者,喜愛以技術分析角度看股市,簡而言之追漲殺跌。
免責聲明:以上的推介並不構成任何投資建議,投資涉及風險。