當前的位置 : 首頁 > 所有文章 > 優質股票
David Webb 之選 – 成謙聲匯(2728.HK) 上
作者 : 保時捷 | (人氣:762) | 2014-10-20 00:00

過去一星期, 股市既市況都重係好反覆, 基本上小弟手上的股票都無甚睇頭, 而頂頭老闆又卒我交文, 原本已經打定輸數, 準備亂咁寫下啲風花雪月, 蒙混過去, 但自問文筆奇差, 唔寫股票真係唔知有咩吸引到讀者, 到時又會被”的”去照肺, 正當我煩惱緊可以寫邊隻股票時, 居然發然在我倉內有隻陳年倉底貨在近來疲弱既市況中都重有可觀既升幅, 這是幾咁難能可貴的事呢, 真係唔寫佢唔得.

 

這只陳年倉底股就係 2728.HK 成謙聲匯, 可能有讀者會問, 當時為何會買入這只股票? 答案就係 David Webb 買入法. 可能有讀者會話, “而我不知 David Webb 是誰.” 咁就等小弟用小小篇幅介絡一下啦. (順便呃下字數先.)

 

根據維基百科的資料, Mr. David Michael Webb, 英國人, 曾為遊戲程式編寫員, 後轉戰金融界, 在1991年定居香港, 並在 1998 年以 35 歲之齡退休. 之後曾任港交所非執行董事, 現為股票評論員. 因為佢經常批評香港部份上市公司管理層的不當行為, 並為小股東權益發聲, 所以佢有一個外號, 就係「股壇長毛」. 而佢由 1999年開始, 每年聖誕都會推介一只股票, 股民都會視之為聖誕禮物, 的而且確, 跟買的話基本是穩賺, 當中只有一小部份是令到股民輸錢, 曾經有人計過數, 如果跟足佢咁多年黎既所有推介股票去買, 個複式增長率居然超過十倍, 都咪話唔和味. 不過可惜既係, 自2010年開始佢已經再沒有 Christmas pick, 大家亦都再冇這支歌仔唱了. 但大家原來並唔係冇方法去知道佢近來睇好邊隻股票, 大家只要去到港交所披露易網站, 多啲留意下權益披露, 就可以知道佢近來増持緊咩股票了.
而這只成謙聲匯, 就係佢近年來密密增持既其中一只股票, 由佢2007年首次披露既 5% 開始, 一路密密增持, 在2008年去到 6%, 在2011年去到 7%, 之後相隔兩年, 2013年再次披露時已持有8%. 而最近一次係今年3月份, 持股量再一次上升到 9%. 可以看得出, 佢應該對此股很有信心, 才密密地増持.

 

20141020

而小弟我就於2013年中, 在 David Webb 増持至 8% 的時候入場支持下佢了. 當時心諗, 佢入貨價估計都係大約HKD 0.7 – 0.9 左右, 以我當時入貨價都係 0.75, 段估佢就算跌都唔會跌得多掛, 一於買入博坐順風車先. 而股價真的如我所料, 一直都企得好穩, 從未跌穿過 HKD 0.6 咁濟. 但就真係穩陣得濟, 足足坐左我一年先識得升, 真係坐到我 PAT PAT 痛.

 

讀者們可能諗, “您都講左好多廢話喇喎, 幾時先講戲肉呀?” 真係唔好意思, 要大家忍耐多陣了, 因為今篇剛好呃夠字數, 分析果部份就唯有留待下篇先講了, 至少今篇都教左大家原來有一個 David Webb 買入法先啦, 係咪? 哈哈哈哈……….


-->
免責聲明:以上的推介並不構成任何投資建議,投資涉及風險。