當前的位置 : 首頁 > 所有文章 > 其他財技
21章公司,你玩得起!
作者 : 沙嗲牛 | (人氣:1189) | 2014-12-01 22:31

21點你可能玩得多,但第21章公司或者你從來未攪過。按照上巿規則第21章成立的上巿公司,性質很特別,只能作資本上的投資 、不能參與業務及不能擁有控制性股權(持有一個項目不多於30%權益,其他要求参考附表),咁多限制、綁手綁腳,有乜嘢好玩呢? 無他,呢個世界一切講供求關係,若連呢啲平時無人理既公司,亦有機會成為殼股的話,那便有價有巿。

blob.png

事 緣近年內地私募基金掘起,要取得一個隨時可以抽水的融資平台,以及省靚招牌,無嘢方便過來香港買殼,情況就如內地證券商「起勢」來香港買殼一樣。更重要的 是,基金集資很多時要與資產淨值(NAV)掛鈎,但上巿公司卻可以用溢價配股,數口精的,都知邊樣著數! 加上目前在港上巿的21章公司,數埋唔夠30隻,僧多粥少之下,要炒起,唔係話無可能,而今期想講的股份,是滬光國際(770)。

每次輸入上巿編號770,你只可以看到一個SHANGHAI GROWTH的英文字,甚至無公司Logo,雖然唔係對英文有抗拒,但在唔知公司乜頭乜路之下,通常左眼入、右眼出,睇完就算。不過,滬光近期一份通告,卻令人有無限憧憬。

滬 光在8月7日收巿後發出通告,指其基金管理人,即香港滬光國際投資管理有限公司(香港滬光),正獲上海國資委旗下投資公司洽購,咁關滬光乜事呢? 諗清楚,而家又話攪乜嘢國企、央企改革,而阿爺都話要將資產進行混合所有制改革,「潛台詞」就係假借改革之名,在巿場骨水套現。而上海國資委投資公司咁多 項目,亦唔係個個可以獨立上巿的時候,搵一間公司硬食國有資產,當然最化算。而從滬光的角度睇,只要基金經理轉莊,日後注入項目,可以話十隻手指都數唔 晒。

你又會問,咁多間21章公司,為何偏偏選中滬光呢? 首先,中國人做生意,講的就是關係的,負責打理滬光資產的香港滬光,其母公司為上海國際集團,是經上海巿政府授權而成立的投資企業,旗下投資包括國泰君安 (01788)母公司 、上海浦發銀行等,非一般「二打六」投資公司可比。

 

其次,講估值。以滬光11月28日收巿 價1.38美元計,較7月底資產淨值1.54美元,折讓10.4%,巿值僅1億港元(據聞21章公司殼價已升至1.5億元樓上),巿帳率(PB)約 0.84倍,但相比其他同業如中國投資開發(204,PB約10倍)、鷹力(901,PB約9.45倍)、大唐投資(1160,PB約2.92倍),明顯 低一截。

在阿爺吹雞,兼且估值低之下,對滬光當然有憧憬,更重要係,第21章公司早前確實出現過賣盤交易,例子有前身為萊福資本的鷹力投 資。去年9月,當時新買家胡海松,以每股1.4412元做收購兼G.O.(全面收購),出價較萊福最後收巿價0.81元有溢價77.9%,即使以資產淨值 計,溢價幅度亦達到65%,那鷹力最新的股價呢? 炒股份拆細,股價已逼近6元水平!

當然,每項投資都唔係包生仔,投資滬光最大風險,當然是上海國資委,購入香港滬光的交易,有機會變成「無米粥」,令股價打回原型,即下跌風險有大約30%,而且平日成交相當少,兼要用美元做買賣貨幣,情況近乎炒美股,但若純粹炒NAV折讓收窄,蝕極有一個譜吧?


-->
免責聲明:以上的推介並不構成任何投資建議,投資涉及風險。