當前的位置 : 首頁 > 所有文章 > 財技心法
瞓低…吸納
作者 : 老狐狸 | (人氣:600) | 2014-10-01 00:00

瞓低….吸納
還記得老狐狸叫大家減倉了嗎? 那時約在八月中旬,恆指去到25300點,主要原因無他,純因贏錢太容易,甚至一D平時做外行既人都俾貼士我,令老狐狸諗起以前的一個故事,「當擦鞋童都 俾貼士你時,你就要‧‧‧」,老狐狸當時決定把現金水平增持至八成,當然,老狐狸並非一帆風順,如大家有睇我的文章,就知老狐狸因此而沽掉了一只單日升幅 最高為八倍的股份。


在寫這篇文章之前一天,香港正經過自1967年以後發射的第一個催淚彈,大家先不要猜測老狐狸的政治立場,老狐狸經歷過的比大家多,我相信先有民生才可以 有民主,大家再係咁佔落去,只會係一部份人所做的,傷害了更多人的想番學番工的自由,那對嗎? 老狐狸之前也和得多朋友討論得面紅耳赤,但我相信只要大家肯包容,香港一定可以有更好的明天。(按: 不喜可以不看落去,請不要在此爭拗) 既然明天會更好,那在現時大市自老狐狸在25300沽貨後,至執筆時(2:04 29/09/2014),恆指為23154,雖然好像跌穿了牛熊線,但此時人心虛怯,現在不買,更待何時,故老狐狸已經接近FULL LOAD了。(對,由80%現金降至約10%救命現金水平)是次買入考慮基本因素較低,只是從投資者心理出發。


那買什麼好呢?
有一天跟神奇小子隨風吹水(即係個位係莊家手中贏過千萬那位神人),佢話在佢教班的過程中聽到一個「老狐狸買入法」,依…..依,當堂嚇一跳,然後得啖笑,點解呢個什麼買入法連我都未聽過既?(按:老狐狸從未應承任何人去搞講座,佢地亦暫時請我唔起,即係呢個買入法並唔係我教架),佢地話平均注碼買入我推介過,但未升過既股份喎,如果呢個係事實的話,咁你地唔好彩啦,因為只係得番一隻8148 (奧栢中國)未升咋 (因為呢輪連陳年推介2322.HK2023.HK都爆升埋),你地咪要ALL-IN? 呢個從風險角度黎過係完全唔值得咁做的,相反,老狐狸推介過的股份都可以再考慮番既。
即係舊野?


係呀,不過如果咁講,一陣Phemey.com的人又話老狐狸渣流攤架啦,宜家佢地要求我每兩星期俾一篇佢地,老狐狸最唔鍾意限時限刻架嘞,有時我一個星期有一篇啦,咁點先?嗱,又係個句,我要寫作自由喎,唔係我唔寫架。
其實去到呢個位,我又唔係睇到fundamental改變左好多,只係因為一d爭議令股份回落番,而老狐狸就係咁搵到有兩隻之前的推介作出建議:

高風險承受型:


2322.HK 仁瑞投資

呢隻係老狐狸第一隻推介,但卻係較遲起步之一,上星期最過去到$0.138,宜家又回番到最低的$0.086起步位,收$0.092,完全有值搏 率,正如「賭俠」入面的陳刀仔拎住煙KING照搏:「佢話呢D牌面可以搏PAIR又可以撞蛇花,咁都唔去,不如唔好賭了」,岩,咁既牌面可以搏反彈或者有 野跟尾,咁都唔賭,不如唔好買了」。當然,呢隻係高風險型,自己諗清楚。

2322

中度風險承受型:

952.HK華富金融

其實本地證劵行的收購潮自老狐狸篇「證券業的最後高潮」後從未停過,去到近期連510.HK 時富金融都落實賣俾國企,故此,宜家好的證劵殼真係買少見少,而近期老狐狸較有興趣的正係952.HK華富金融,呢隻野我見買家都好努力收貨,又係個句, 最低得$0.375,收番$0.42,就算賣唔出呢間野都唔係一間垃圾公司,輸唔死呱。

952

至於佢既詳細分析,可參考之前的文章。


有無低風險承受型?

有架,去買美國政府債券、iBOND或者人仔定期啦。
或者你地又會問:「仲有無新野?」
答:「頂,日日都有,輸死你呀!」
再答:「只要呢幾日假期內不再出亂子,事情可盡快解決,我相信調整了2000多點的港股,在美國中國股市都無咩大問題下,點都抵買過之前我叫大家減持的 25200幾點時呱。唔信我唔緊要,有無聽過一d傳統智慧? 在人人瞓低時,你就瞓低吸納,機會就在眼前啊! 老狐狸希望大家可冷靜落黎,為香港經濟努力,點都好過搞到香港內秏,始終搵食最重要,另外我非常支持香港警方的專業和克苦,多謝你地,天佑香港。」


另外,吹水區內的老狐狸揮手區開了,或者我久不久見到有d值得day-trade既就好快好簡短咁推介,睇下有無觀眾先,有心既留意下,唔想睇既就唔好留言話我害人喎。」


-->
免責聲明:以上的推介並不構成任何投資建議,投資涉及風險。