當前的位置 : 首頁 > 所有文章 > 其他財技
「袋住」息先-盈利時(06838)
作者 : 李洛克 | (人氣:810) | 2014-10-10 00:00

近期大市波動,日升日跌幾百點,實在難以捉摸,要揾食都唔係咁容易。由九月頭二萬五千幾水平,直插到十月頭才喘定,期間無左兩千幾點,近日才穩住喺兩萬三千點樓上。上期推介的半新股中國飛機租賃(01848),都算交到功課,推介至今都有廿幾%升幅。


派息比率高

現時市況,要揾一隻股票推介實在不容易,喺大市差同政治前景不明朗的時候,唔多唔少對財技股的炒作都有所影響,所以近期見好多細價股的表現都顯著回 落。今次介紹(戴左頭盔先,係介紹,唔係用推介的字眼。)的股票係盈利時(06838),留意呢隻股票係因為早幾日見佢打入廿大升幅榜,而且係6字頭的股 票,好奇心驅使下揾下它的資料。發現呢隻股票都幾肯派息,中期每股盈利$0.038,每股派息$0.020,派息比率超過50%。睇返佢上市至今,都係維 持較高的派息水平。


街貨量不多

盈利時(06838)於2011年7月上市,上市至今超過3年

,主要從事開發及生產精鋼錶帶、時尚飾物及配件的精鋼產品製造商,主要以OEM形式為客戶提供服務。它派息慷慨,相信是因為街外人持貨很少,睇返招股文件,當時的大股東與現時披露易所顯示一樣,而股權都沒有大變動,都是持有約75%股權,CCASS入面首名券商亦持超過8%股權。平時成交疏落,更加證明無乜散戶參與這股票。


自動減持機制

炒股票一定唔會為了派息,但有息派亦絕對唔會是壞事。這隻股票成交咁疏落,買入左要沽都未必是易事。而它有穩定的派息歷史,起碼可視作為一個自動減持機制,在等待股價上升的時候,定期收回少少成本。


業績差成買入誘因

盈利時(06838)分別在上年12月及今年8月先後發出盈警,中期報告亦顯示它的Profit Margin很低,加上上市時亦曾俾人懷疑它的主要客戶是否獨立第三方,所以有理由壞疑它上市集資是否為了搞好盤生意。現時,它市值約四億,資產淨值約五 億多,有20%折讓。在生意淡薄,不如賭博的情況下,看看會否炒下股票或者賣走個上市地位。


-->
免責聲明:以上的推介並不構成任何投資建議,投資涉及風險。