當前的位置 : 首頁 > 所有文章 > 財技心法
真假先知??
作者 : 老狐狸 | (人氣:522) | 2014-10-10 00:00

真假先知??

先旨聲明,呢篇並唔係講股票推介的文章,如果大家覺得唔係,可以轉睇其他文。

呢篇文章只係老狐狸對一些事件的睇法,看得明就警世,希望大家以後炒股有獨立思巧,看唔明亦唔好炳我,更不要對號入座。

老狐狸沒有宗教信仰,除了小學就讀一所天主教小學,在家拜一拜祖先外,老狐狸對所有導人向善的宗教都抱住尊重的心,然而老狐狸近期對一些所見到的事有所感觸,突然對一些很久以前的聖經經文有點兒領會,故特別出此文章亂說一番。 (按:如老狐狸對經文有所誤解,請勿怪責)
以下有一些經文,大家看了,再引證現在的股市,會否有一些似曾相識的感覺呢?

1. 耶穌在橄欖山上坐著,門徒暗暗地來,說:「請告訴我們,什麼時候有這些事?你降臨和世界的末了有什麼預兆呢?」
耶穌回答說:「你們要謹慎,免得有人迷惑你們。 因為將來有好些人冒我的名來,說:『我是基督』,並且要迷惑許多人。」

2. 耶利米書 29:8
「萬軍之耶和華以色列的神如此說:不要被你們中間的先知和占卜的誘惑,也不要聽信自己所做的夢。」

3. 彼得後書 2:1
從前在百姓中有假先知起來,將來在你們中間也必有假師傅,私自引進陷害人的異端,連買他們的主他們也不承認,自取速速的滅亡。

4. 馬太福音 24:24
因為假基督、假先知將要起來,顯大神蹟、大奇事,倘若能行,連選民也就迷惑了。

好了,再講大家都會瞓著了,老狐狸小時記得老師講的聖經故事,最吸引除了創世紀外,就係講世界末日,我記得老師話末日降臨前必有大量假先知出現,他們會以不同形態去誘惑大眾,離經叛道,一句講晒,呃呃騙騙。

還記得一句說話:「上帝要你滅亡,必先令你瘋狂。」,老狐狸相信呢句野唔會係經文,只係大家可以用呢句說話投放係股市上。

記得老狐狸初投股市時,基本上沒什麼財演,過了幾年,就開始有第一個股壇黃大仙乜叔,到現在,簡直百家爭鳴,打開一份財經雜誌,不同的證券行,不同 的獨立股評人各據山頭,講一些似是而非的原因作推介,令雜誌可以賣紙,他們可以增加曝光,有名就有利,可以出書、搞班搞講座,甚或收錢幫人散貨等等。

(按:老狐狸在此行打滾多年,明白可能得罪好多老行尊,老狐狸不敢話每一位都係名過其實,但有料的確實不多,更好笑的是老狐狸數年前的一位下屬搖身 一變居然成為一間規模不少的中資行研究部主管,一個普通大學生,做左幾年股票就已經係專家了,真係貽笑大方,那些會是假先知嗎?)

可能大家會話:「挑,老狐狸你咪又係寫稿亂吹!」

其實老狐狸寫得呢篇文,就預左會有人咁講,但撫心自問,老狐狸每篇文章都係嘔心瀝血至寫得出黎,單單資料搜集就可能已經用兩三日,寫埋稿下下引經據 典,一篇文章可能要四日至完成到,就算近期的揮手區推介,也不會亂來。至少老狐狸都叫飽讀詩書,加上紅褲子出身,呢點係不容置疑,而最重要一點係,暫時未 有人可以收買到小弟去講講座、教班、寫鱔稿等等,(按:可能係小弟無人吼,哈哈),不會有利益衝突。不過如果你地仍然覺得係,I don’t care. 至少我最後都令你睇到呢一段,以後俾人呃少D。

點解老狐狸會寫呢篇文?

正如之前所講,老狐狸見到近日一些異像有點感覺,吐一口污氣吧。

其實財經之道,基本係一些財務會計知識 (暫不要混淆財技知識),這些財務會計知識係入大學,讀番幾年,加埋幾年執業經驗,或者攞番個牌至算係,如果下下求求其其都掂,駛乜要會計師、CFA、精 算師呢?老狐狸好簡單問一個問題,如果你有小朋友,佢問你拎一筆錢,你會叫佢拎筆錢去炒股定去入大學讀會計AR? 我相信十居其九會話書中自有黃金屋,但點解宜家D人炒股,往往就係打開份報紙,人地講乜就買乜,又或者上個什麼炒股堂,人地話呢D叫技術分析,呢D叫財 技,求求其其不求甚解,學完之後就當自己是神了,這不是很末世嗎?

炒股有很多不同門派,正如華山派劍宗、氣宗之爭,有D只求劍式,最緊要快,有D先修內功,再修外功。老狐狸不敢話邊門好打D,但你應該聽過:「練武 不練功,到老一場空」,所以話打好基礎的重要性,如果單練技術分析,就好似學武功只學打暗器一樣,到埋身內搏時不是被對手內力震傷了,就是招式都未睇清楚 就瓜左,最終死左都唔知咩事。

所以,萬變不離其宗,基礎的重要性係不容置疑的,如果可以得明師指導 (按:指真正飽學、有識之士,不是中途出街,求其話讀過什麼財技堂、技術分析堂就出黎自立門戶授徒之輩,呢D到退潮就知自己無著褲),內外兼修,既懂內功 心法,亦懂招式暗器,才能於現在的大風大浪中獨步股壇,而最重要既係自己有獨立思巧能力,不是人云亦云,畢竟武林人才濟濟,你估係咁意睇過兩三本書,上過 兩三個堂就能自立門戶,雄霸天下嗎?

總結:

正如老狐狸尊敬不同宗教一樣,老狐狸亦相信每一種投資方法,技術分析好、財技分析好、莊家分析都好,都係經前人組織過的一門學問,正如單學暗器一 樣,打得好都可以殺敵,我只係希望大家千萬不要以為求其跟「海砂派」的弟子學過撒下毒鹽就以為自己係當世第一高手,可以搶得到屠龍刀(不明白可睇下倚天屠 龍記),最基本就係跟番個武學大師(如武當張三豐),才能把內功、外功、暗器、輕功,甚至行走江湖的經驗教給你,但重點係自己融會貫通,才能打通任督二 脈,成為當世高手。

有點離題,不喜勿插。


-->
免責聲明:以上的推介並不構成任何投資建議,投資涉及風險。