當前的位置 : 首頁 > 所有文章 > 供股股票
1387前景好很秀麗
作者 : 龍威 | (人氣:1143) | 2014-12-03 21:41

小弟上次分析大市要跌多數百點,點知突然大陸宣布減息,將小弟監生夾死,認真不幸。近日打算再作大市分析,又遇上班有為學生突然玩野,將行動升級包 圍政總,令星期一恆指曾急跌最多近700點,咁樣攪法,乜野分析方法都玩死,所此暫時要冷靜下先,建議大家最去參加學聯或學民思潮,了解下佢地幾時有新攪 作,好過睇在下大市分析100倍。


唔講大市就講下個股,今次講下隻1387人和商業。提起呢隻股,好多投資者都會媽聲四起,原因唔單只係因為佢股價,由上市最髙2.4跌到得番0.35,而係買得呢隻股老散,就算唔信大行報告基本分析推介,都信彤叔及各大基金眼光,以為自己購入咗優質生意股長揸。

 

今次重提1387,係因為佢早前宣布2供1供股,供股價每股0.32元,集資淨額約32.97億港元,主要用作向投資者贖回2015及2016優先票據。表面睇,佢目前股價已非常低殘好吸引,不幸上左賊船嘅投資者,究竟應唔應該供? 或者有冇其他炒作價值呢?


人和商業的核心商業模式,主要係改建 “防空洞” 做地下商場,通過出租商舖,或轉讓商舖經營權的方式獲取回報。公司近年業績認真差勁,早前公佈預計2014上半年錄得8.84億元虧損,遠高於去年同期虧 損的1.82億元。虧損的主要原因,是由於今年上半年,投資物業錄得評估虧損淨額約9.14億元,去年同期則錄得評估增值金額為1.26億元。

 

20141203_2

 

睇番公司過去幾年業績,其實真係相當唔開胃,收入及盈利都不斷下跌。

2011年睇落好似唔錯,盈利有53億,但業務收入卻只有22億,因為D盈利係透過會計政策調整出來(投資物業此成本模式改為此市場價模式入賬) 。

2012及2013年都係因為物業升值,去幫補少少份業績,主要業務收入其實相當唔掂。2014由於物業估價下跌,早前D紙上富貴又要嘔番出黎。

 

其 實除左盤數唔掂,小弟一直認為,現今國內網上購物成風,好多百貨公司都唔太掂,再加上經營地下商鋪要不斷努力營造人氣,長期維持高人流量,實在唔容易,過 去幾年業績已證明左。而當初睇好呢個概念既大股東,戴氏家族及彤叔,可能很早已發現問題,過去幾年已分別套現及離場。此外,較早前公司宣佈,戴永革姐姐 “好肯秀麗” (原名戴秀麗,嫁比鬼佬姓 “好肯”(Hawken))將其間接持有人和商業48.49%股權,作為饋贈無償轉讓比戴永革,戴永革累計持有人和商業股權達49.35%,成為人和商業 的控股股東。呢個動作對我來講義意不太大,結果都係戴氏家族揸旗,只係“好肯秀麗” 牌面消失了,擔心公司前景會“好肯唔秀麗” 。

 

總之,公司股價已非常低殘,值唔值得投資或供股,你地自已諗,小弟就一定唔敢赚呢D錢。但另一方面,小弟分得好清,唔值得長線投資,絶對唔等於唔值得短線炒作。

人 和今次供股價0.32元進行2供1,集資33.84億元,巳表明供股主要係為贖回2015及2016年兩批先後到期的優先票據,兩批票據均在2010年發 行,息率分別為11.75及13厘,迄今未償還金額分別是3億美元(23.25億港元)及6億美元(46.5億元)。公司今次就算成功供股,再加埋手頭上 约13億現金都唔夠,所以表明可能動用銀行貸款。

 

今次牌面係供錢,實際上都係99%供錢。首先,兩批票據均息率分 別為11.75及13厘,今天黎講算幾高息,加上近日人行又宣佈減息,佢好可能打算先贖回呢批高息票據,再發一批較低息,減低融資成本。就算唔係為左咁, 公司本身都好渴錢。2013年收入僅5.5億,創下上市5年新低,並虧損17億,經營業務現金流又再次大負數,未來3年要償還總貸款額高達80億,另有5 億貸款擔保,真係多多錢都唔夠。

 

20141203_3

 

再 睇下個圖,更覺得係為供錢,宣佈供股前刻意將股價由0.3炒到上0.5,唔係為供錢為乜?   戴永革家族同西京已承諾供股,相當於已發行股本的54.7%。至於包銷商則由海通證券負責,最多包銷47.9億股,相當於15.1%。佢股權唔算散,供錢 戴永革家族自已都要比十幾億出黎,供錢對佢來講唔係最有利,但我估”人和”個名係市場上已好臭,大股東承諾跟供可比信心投資者跟供。

 

總結,小弟巳入左D貨,但求佢未來一兩星期炒起20-30%引人跟供,等小第有份小聖誕禮物。


-->
免責聲明:以上的推介並不構成任何投資建議,投資涉及風險。