當前的位置 : 首頁 > 所有文章 > 賣殻股票
開殼的狐狸
作者 : 老狐狸 | (人氣:2417) | 2014-12-30 22:47

首先祝phemey.com新網站開幕,故老狐狸特意送上文章一篇賀一賀,好耐無係Phemey.com寫文了,唔知各位朋友還好嗎?希望大家在近期大野上升,股仔大跌之時中左D江湖術士點你買到一屁股「8」字頭或者股仔令大家「舒舒服服啦」。

老狐狸在對上一篇「九轉大還丹變偉哥」中講左兩樣野


1.       老狐狸早前建議的「九轉大還丹」雅天妮 (789.HK)在除權後飛天

(: 今早”1222打開明報財經版,突然見周顯大師在明報一欄中話買入了雅天妮,並指係得有才能人士俾料的,居然和老狐狸的2015年殼股推介一樣,老狐狸雖然曾和周大師有數面之緣,但相信周大師講個個有才能人士不會是小弟,更肯定周大師不會是我fan page的粉絲,但能和其所指的有才能人士俾既股票一樣,小弟感到甚有face

呢隻股票係老狐狸一手一腳搵番黎, 希望其他街坊股神 高抬貴手, 唔好見到升左就想去出文抽我水話係同我一同發掘。


2.       老狐狸因為建議在雜誌上被引用,感到「樽鹽」受創, 決定減產。

點解今次老狐狸又再出文呢? 主要支持phemey.com主事人Phemey推出新網頁所以去賀一賀佢。

首先跟進下隻雅天妮 (789.HK):

呢隻係老狐狸fan page2015年殼股推介, 佢宜家剛供完股, 超額1.7倍, 已經正式沽得,因為其供股價只係一毫子, 所以短期內一定有D沽壓,只要大家留意佢耐D D供股既朋友Profit taking 完就可以慢慢買了,我相信現價去Accumulate會係一個不錯的位置去accumulate

如果大家有留意的話,佢近期持有逾四成的上海國際乜乜乜突然間在CCASS減持左, 但新買家未現身,所以建議大家得閒留意下佢既通告,老狐狸覺得呢隻野唔賣無野好做,仲供埋,我就渣你一年,唔信你忍得住,反正我成本只係供股價, 怕你有牙, 呢世唔好搵食呀笨。

第二,呢篇野叫得開殼的狐狸, 當然係俾隻似做殼的股仔俾大家去留意下,不過咁, 不用太心急,因為:

1.       呢隻係新股,上左無幾耐,就算佢要郁都要等半年,所以慢慢買

2.       近期D新股都唔係好掂

3.       呢隻野成交好細,好難大手俾買得到,否則俾人掃左上去架啦

4.       近期傳出國內取消補貼呢個行業,睇下會唔會隊下先

而新股最大風險係怕條數作得太大,所以建議大家買住少少睇住先,介急用忍。

(呢隻股同雅天妮一樣,我建議時都未見市場有人寫,希望唔會咁快俾人抄左去)

 

1305 偉志控股

呢間個名好娘的公司係20141118日才正式上市,估計大炒都要等半年

公司業務:        LED燈的製造和銷售

上市價:            $3.68 (現價$2.11真係輸死人無命賠)

招股時超購:    1200

市值:               4.4億元

大股東持股:     60%

包銷商長江證劵持股:  7.03%

而從CCASS的持有人紀錄:

沒有在CCASS的現貨:  71.3%

CCASS5間經紀行持有: 15.88%


大家可以從此估計一下街貨可能只數千萬元,但由於從交易所的權益申報部份大股東與經濟通的數字不同,故老狐狸傾向相信自己從CCASS的數字去估計其街貨量。


100D5100123413.jpg

 

老狐狸覺得呢隻並唔係一隻好快會爆上的股份,但以其招股超額情況,包銷商能力,街貨量,現市值和價位的值搏率都係好抵,唯一只係佢似乎仍然係打底之中,我覺得係$2蚊附近都應該幾抵賭,亦都似係造殼者的所為,只要佢條數不是太假,我相信呢隻野係幾正既股仔。


老狐狸反覆睇過暫時無人推介過呢隻股票,唔知會唔會又好快俾人抄左去呢? 希望D人知道剃人頭者人亦剃其頭,只懂抄人者只會反映你既學識只達中學程度,講出黎貽笑大方,請尊重下D原創者。

 

如大家有興趣,歡迎大家加老狐狸的FANPAGE交流下啦

 

老狐狸

-->
免責聲明:以上的推介並不構成任何投資建議,投資涉及風險。