當前的位置 : 首頁 > 所有文章 > 大市分析
買唔到個橙,唯有執番個桔---魂斗羅
作者 : 魂斗羅 | (人氣:653) | 2014-12-24 11:33

近期股市波濤洶湧,商品與一眾外幣跌到阿媽都唔認得,仲要兇殘到跌去4,5成,斬倉遲兩秒都輸到你儍。睇番港股市場,場內資金轉動頻頻,主要係睇到投資主題的改變。很多之前在年內十分當炒的版塊已輾轉回落,例如石油及一眾油服頁岩氣相關股票,因為大國的金融戰爭已被淪為犧牲品。賭業股,因李飛大人一句重話股價已全線打折,睇下你重買唔買。醫藥股,股價全線跌到好似全中國D人睇醫生唔駛食藥咁。再睇下環保股,我重以為國內污染問題已經解決。買中價股,節奏一轉,資金取向話變就變。如果投資中價股的話,除了挖掘主題,timing的掌握的確也非常重要。

20141224_2

 

講開投資主題,最近最熱門的行業,都可算是一帶一路相關產業。內地新京報一篇文章-李克強推銷2.0時代;五次出訪簽一千四百億美元大單,正好形象概括了李克強今年的五次出訪,在能源基建、金融等領域,特別是高鐵方面更是「戰績彪炳」,獲尼日利亞一百三十一億美元鐵路合約;更達成蒙內鐵路、中俄高鐵、中泰鐵路合作協議。此外,亦將中國的製造業大項目,包括核電、水電、風電、4G技術、「新舟60」飛機,以至鋼鐵、水泥、平板玻璃等項目「走出去」,既增強增長動力,亦一併紓緩「產能過剩」的壓力。而李克強「兼任」「高級推銷員」的背後,正是自貿區牽引「一帶一路」(絲綢之路經濟帶及二十一世紀海上絲綢之路)策略,全面開花結果之故。而推動二○一五年經濟的動力,相信亦將圍繞着這一重點。

20141224_3

其實以上提及的產業內,最搶眼的肯定係高鐵項目。一來價碼大,二來國家招牌產品,三來冇錢買用大米換都有得傾,咁即係D生意有排做啦。不過最幣既係南北車喺事前已經搞緊合併,費事俾兩個百痴鬥低價爭生意。横掂D生意根本做梗,內幕人仕事前當然要做野,只不過呢次個內幕人仕叫[阿爺]咁解。

20141224_4

 

好嘞!個橙就跌左,唯有執隻桔頂住先啦。最近睇走勢中鐵建(1186),中鐵(390),中交建(1800)都升得好好,不過現價再追就有點高,想揀隻平D既可以諗下廣深鐵路(525),可能有人諗住起完鐵路都要人搞營運,或者其實只是跟字炒也說不定。


-->
作者 - 個人投資者,喜愛以技術分析角度看股市,簡而言之追漲殺跌。
免責聲明:以上的推介並不構成任何投資建議,投資涉及風險。