當前的位置 : 首頁 > 所有文章 > 財技心法
從股票投資認識民主
作者 : 龍威 | (人氣:653) | 2014-12-20 13:56

維期79天的佔中運動終於結束,呢個以民主為核心價值嘅運動,是香港史無前例的震撼、強大,令小弟花時間研究投資之餘,不禁亦就民主呢個議題,作一 較深層次嘅思考。但究竟投資跟民主有咩關係,稍後再說,但小弟嘅終極看法係,原則上支持民主,但絕不會像其他人咁追求,點解咁睇,同小弟嘅投資經歷有關。

小弟出身於commercial banker, 專門負責貸款比中小企業。由於借錢比中小企好時都無嘢抵押,銀行有不少風險,而企業還唔到錢,小弟要孭飛,所以要非常小心。當時日常工作,除咗要分析公司 財務報表、公司business model、行業競爭環境等外,最重要的,就係要同公司管理層吹水,要用一切辦法,去了解自己究竟借錢比個咩人,呢個係我嘅職債。後其小弟離開銀行,自己 做生意,之後又攪股票基金,接觸對象都係中小企,工作性質同以前類似,分析公司之餘,最重要識簡管理層,亦即所謂識睇人,因為佢係一間公司嘅靈魂,公司成 敗既主要因素,過往業績則是次要。小弟簡管理層著重3樣嘢,就係誠信、智慧/營商經驗、及執行能力,尤其是買股票作長線投資。講呢啲,跟投資同民主有咩関 係?且慢,就講到。
小弟認為,買生意股票長楂也好,買財技股短炒也好,先睇老闆係咩人非常重要。為提升呢方面能力,小弟身體力行去創業做老闆(目前已是第4次),去領會一下 點做老闆,及一個老闆需要咩素質。此外,亦層花過時間去研究心理學、性格學,去增強自己嘅閲人能力。而小弟過去十多年,見過嘅企業老闆,冇1000個都有 七八百個,因此,小弟曾以為自己經驗豐富,閱人無數,睇人好叻。但小弟可以好老實話比大家聽,事實並非如此,現實是小弟睇管理層十有四錯,即只有60%睇 啱,40%機會睇錯,簡咗啲賊,無誠信或無能嘅管理層。

咁即係咩意思?佔中友及泛民政棍強調民主,要一人一票選行政長官,不斷美化及誇大一人一票嘅好處,認為咁樣可以叮走市民唔仲意嘅人,然後選個好行政 長官,解決大部分社會問題。大家需知道,要管好一個香港,一個咁複雜嘅社會,比管理好一間公司何只難100倍。小弟花多年心血,只但求搵個老闆管理好間公 司,為股東帶來回報,就係咁簡單,但已不易做到,更何況要平民百姓選個合適嘅人,管理好呢個複雜嘅地方。小弟唔相信市民有足夠智慧,簡個有誠信,有能力嘅 人管好香港,就算一人一票,現實會發生的,就是市民會叮走唔仲意嘅特首,然後好大機會又再次比人誤導,選個垃圾出來當特首,然後發現唔對板再次叮走,不斷 重複。但一人一票至少有個好處,就是簡錯都係自己簡嘅,條氣會順啲⋯⋯

 

如股票投資一樣,大眾是愚昧的,大部時間嘅選擇都是錯誤,這不是小弟主觀看法,而是客觀事實。宜家流行民主、民意,其實本身冇乜問題,但有班人走火 入魔,乜春都話要跟民意,事無大小,動不動又話要一人一票,又話要公投,既不實際又冇效益。正如小弟公司有sales、會計、IT人、分析員、清潔阿審, 公司買咩股票,買幾多,幾時買,幾時賣,涉及好多專業知識,如果要玩公投一人一票決定,咁就大檸樂喇!

總之,小弟絕不反對民主,只是冇其他人想得咁簡單、咁美好!

-->
免責聲明:以上的推介並不構成任何投資建議,投資涉及風險。