當前的位置 : 首頁 > 所有文章 > 其他財技
不用把假數看得那麼重
作者 : 渾水 | (人氣:848) | 2014-05-22 16:46

不用把假數看得那麼重

先講一講個市,悶。不過近期中南系好多動作,福方(885) 停了牌,民豐(279)、威利(273) 也在58同步停了牌,時間太忙,未及逐一研究。一如既往,今次也推一推些「底子」好、「表子」差的股票:半新股工蓋(1421) 、新加坡建築殼、市值不足4億、也很乾。早排建築殼、殼信(1246) 和怡益(1372) 也經常被提及,當放住watchlist留意下吧。

假數就做硬架啦

市睇到悶,我見報紙財經版也寫無可寫,尤其是蘋果日報,日日追住中國家居(692) 窮追猛打就覺好笑,又踢爆其網上商城好不濟、又話其店鋪無心做生意,仲分析埋核樓師樓開元信德的往績。老老豆豆,呢類民企盤數就一定有水份,之前好多沽空機構都對住呢類公司黎開火,中金再生已是一例。民企的稅多、複雜,要維持上市地位好麻煩,做假數的誘因很大。而且,要睇佢有無做假數也不難,見到個陌生的核數師便應該心生懷疑。

踼一踼才動一動

之前中國家居急跌,蘋果日報己經打比公司查問,個秘書又唔識做,說話口吃,甚至字裡隱隱透露公司有「幕後主使人」,這己引發記者好奇。可惜,公司公關危機意識不足,沒有及時「裝飾做樣」,結果人地上門查業務、查網上商城運作,底子就穿了。之後,見報後才執返靚個樣,放返d商品上架,改一改門市派頭,人地推一推,你才動一動,完完全全被牽著鼻子走,想也好笑。這類古惑股,最重要係引到魚去買,咁先比較容易散貨落市場,但如些企業形象加傳媒效應已經嚇走D魚。就算你炒高,都走唔甩D貨,格硬黎引D momentum traders也賺唔多。睇怕真係要搞多D公關同要長時間先執得靚個殼。所以財技學必要包括市場學分析,睇野先立體全面。

蘋果整死中國家居

吃得鹹魚抵得渴,炒得這類股份就預左這類特殊的「系統性風險」,這是合理的假設或局限,站在股民立場,量重要是炒得高賺到錢。反正南柯一夢,也是龐氏騙局而已,只要你不是最遲走的那個人,你也是Ponzi scheme的得益者。而家騙局被破,大家都係輸家,無得玩。蘋果記者煞有其事去查公司有無做假認真無謂。講個小故事,經濟學假設「人是自利」,結果有經濟學家去花時間研究「人是不是自利」,以圖推翻這個假設,佛利民的反應是:「Stupid question deserves stupid answer」因為假設的真假是不重要,重要是推論到科學化解釋。類比推論,做唔做假不緊要,重要是推論到背後的財技操作,這也是Karl Popper科學哲學觀。蘋果記者咁多錢咁,不如炒少D人,同埋比多D錢金融中心好過啦。而家得返D財演,仲有死肥婆日日9up 3分鐘,我真係hi auntie啦。


-->
免責聲明:以上的推介並不構成任何投資建議,投資涉及風險。