當前的位置 : 首頁 > 所有文章 > 其他財技
日本地產的好野!!!!
作者 : 銳匡 | (人氣:521) | 2014-06-08 16:22

精遊櫻花國

話說,4月時銳匡走了一趟京都,唔洗講問呀貴4月去得京都,當然是去賞櫻花啦。講到日本賞櫻,不少港人都認為關西是日本賞櫻重地,特別是京都,通街通巷都 見到強國人蹤影,個個拎著一本旅遊書,睇的都是那裡SHOPPING,那裡有大量櫻花海。賞櫻期間,幾乎日日迫爆,氣都難抖啖。基於旅遊熱點太多遊人,又 太過商業,所以日本的朋友仔(MIKO) 就特地帶銳匡去了一個日本人常去的賞櫻地,保證無強國人咁話。好……去相

1.png

【唔係下麻……八板神社!!!!!!】

【又話日本人成日去賞櫻,保證無強國人?? 】

無錯,當我去到八板神社門口立刻沖口而出。但MIKO無理我,一手拉我入去。入到去,嘩…..發夢嗎?? 居然一個強國人都無….連香港人的氣味都嗅唔出。原來日本當地每年於八板神社都有櫻花節之夜,當地人放工後會在八板神社喝喝酒,賞賞花,還有很多小食檔, 有如維園年宵。於園內,隨便吃一點和牛串燒,地道的燒魚,喝幾杯清酒,感受一下當地的人民飲食文化,這就是風土人情。但為什麼一個八板神社這樣有名氣,還 要在櫻花盛開日子也難揾到強國人,連香港也小呢? 原來據MIKO 所言,就是因為旅遊書籍永遠都是叫大家大白天來賞花,旅遊書從不會介紹八板神社入夜後的夜巿。

日本地產…好正???

去完日本,感覺無比的嚮往,地方清潔,到處花海,人民有善,没有厚多士同洋蔥圈。由於日本實在太過吸引,所以一回到香港就揾了地產好友(大隻健)飲茶,打算投資下日本地產,閒時渡下假,平時租出去賺下茶錢都好。誰不知大隻健聽到我就笑我傻:

大隻健: 你咪學D傻仔咁買日本樓啦

我: 點解呀,環境優美喎

大隻健: 你諗下日本人既性格係點先….佢地一向有好野都唔會流出國架啦…不論車、電器、衫,從來你只可以係日本先買到,佢地係唔會比你入口,一向都係咁,點解會比你買佢地D樓先?

我: 又係喎

大隻健: 你咪睇佢好平咁,20-50幾萬咁平,個個地產都話實有7-8%回報,其實有多雜費架,加加埋埋7除8扣回報率得4至4.5%架渣。

第一: 賣比你D樓,樓齡一般都30年以上,防震係舊設計,防地震能力較低等

第二: 按揭銀行又不多,而且涉及不少稅項:

地產代理(代收租金)及樓宇管理費

每月繳付

10

政府收入稅

每年租金收入計

20

印花稅、登記稅等

一次性稅收

7

資產稅

每年樓宇巿值計

1.4

我: 嘩…..咁搵笨….你又係咁 sell 日本樓?
大隻健: 搵食丫馬


-->
免責聲明:以上的推介並不構成任何投資建議,投資涉及風險。