當前的位置 : 首頁 > 所有文章 > 重組股票
周顯一篇文章給我的兩個啟示
作者 : 李洛克 | (人氣:1322) | 2014-06-09 15:45

早前東麟農業(08120)大比例供股,出嚟結果廿幾%接受供股,似係供乾。出了結果後,睇左兩日,覺得供股價$0.16,宜家個價仲低過供股價得$0.15X (5月30日),都幾值博喎!!於是$0.158買住130,000股試吓先,如果對路既話再入多少少。再過兩日(6月4日),真係升喎,$0.166入多170,000股先。諗住呢舖掂啦,贏左錢換返部LG G3手機(水貨價$5xxx)先,因為宜家用緊部iPhone 4S個mon太細,又無4G。點知諗緊買咩顏色之際,個股價慢慢回落,由高位$0.168落到$0.14X。見勢色唔對,高位回落超過10%,於是喺$0.150、$0.149沽晒300,000股,埋單輸$4000多啲。唉!!手機換唔到,仲要輸四千大元,真喺換機無期。

當天(6月4日)低位做過$0.145,收市$0.154,比我沽個價高返啲收市。本來都無乜嘢,沽完個價升返成日都有架啦。點知第二朝,睇免費報紙,見到周顯個專欄,講東麟農業(08120),提到隻股供乾左,同埋現價低過供股價。吓,呢兩個咪係我買入既原因囉!諗諗吓…自己都唔應該咁急斬,因為分析可能係啱,只是股價未反映姐,於是開市喺$0.156、$0.157入返200,000股砸吓袋先。

三丸東傑改名久融控股

文中亦提到改名的重要性,可以令到一間公司輕微加分及看作為一個Trigger Point。執筆之時,望一望披露易,嚇然發現三丸(02358)建議改名久融控股。呢隻股筆者於三月時推介過,亦是我在phemey.com的處女作,點知出師不利,推介時$0.135,一路跌到最低見過$0.10,去到佢公開發售個價。自己本來對此股都非常有信心,但復牌到宜家快半年,股價都唔係好生性,早陣子都忍唔住,喺$0.103沽左四分一貨出黎,套現炒下其他股。點知又係沽完佢又升返,不過有留意開呢隻股既都知,升完又好快跌返落嚟,所以自己都不以為意。

直至睇完周顯篇文,覺得有啲地方都吻合三丸(02358)呢隻股,因為佢公開發售結果都似乾左,而且復牌半年都無乜動作,今次改名不知道是否就是這間公司的Trigger Point呢?所以,我決定星期一(6月9日)開市,回補返我個四分一倉位先。如果大家有興趣既,可以重温返筆者<<三丸控股 (02358) 復牌後未見炒作 有待觀察>>一文。


-->
免責聲明:以上的推介並不構成任何投資建議,投資涉及風險。