當前的位置 : 首頁 > 所有文章 > 財技心法
下流中的零售行業
作者 : 老狐狸 | (人氣:449) | 2014-06-12 15:42

近日海外市場普遍造好,部份市場如美國、印度等的市場紛紛創出新高,雖然香港恆生指數似乎現時暫企在23000點樓上,但成交卻依然只得500-600億,加上海A股仍在2000點附近徘徊,整個大中華地區的炒賣氣氛不濟,近期好多人都問老狐狸,呢輪有咩好搞?

其實老狐狸近日好努力投資,投資在自己的小朋友身上,因為大考就到了,唯有乖乖的做一個高級伴讀書僮9527。

咁係咪咩都唔好做呀?

近日個市呆呆地,五窮月又不窮,成個月計仲有得升,好似有好多野炒咁,但其實就似乎係炒緊音樂椅,炒下呢個SECTOR,炒到咁上下又炒下另一個SECTOR(即係番d地產發展股上黎,又隊番d濠賭股落去),指數完全係Range-trading,只對一d以沽option收息為生既朋友最着數,以老狐狸識既炒友,近日就日日望住個廿大升幅榜,見邊隻升又有成交就撲邊隻,大家埋身肉搏,但就完全唔係一個健康的現象。

本來老孤狸好想找一隻股票出黎介紹下,但近期睇通告無乜好野,講技術分析又好似有d吹水,見近日CY出黎吹話削20%自由行,就同大家睇下有咩影響,今次唔講有咩股炒,而係有咩股唔好炒住。當然,呢個係純粹宏觀方向出發,不代表個別股份有財技配合 (如要炒高配股等等),有個別會照炒如儀。

港澳個人遊計,由2003年7月推出,當中不斷的增加內地不同省市的市民來港,例如2009年准許深圳戶籍一簽多行等,隨著自由行計劃出台,內地訪港旅客人次由2002年的638萬人次暴升至2013年的4075萬人次。可想而知,自由行對香港的貢獻已經大得不能倒了。

就近日受國內反貪開始,加上本週公佈的博彩收入有見頂之勢,濠賭股走勢即時逆轉,而香港公佈的零售數字更出現倒退,相信香港的自由行受惠股亦可一葉知秋。

其實要搵邊D受影響的股份,最簡單就係把,「自由行受惠股」輸入 GOOGLE SEARCH,我地就由 2009 年 5 月開始睇番不同股份至今表現:

零售股

20095月份

最低價

近年最高價

2014530日收市價

六福 (590.HK)

$2.27

$46.15

$19.6

周生生 (116.HK)

$4.76

$32.1

$19.02

東方表行 (398.HK)

$0.82

$6.73

$1.89

莎莎 (178.HK)

$0.91

$9.15

$5.26

卓悅 (653.HK)

$0.163

$1.86

$1.14

收租股


九倉 (4.HK)

$24.44

$79.2

$54.9

希慎 (14.HK)

$14.20

$40.55

$37.95

鷹君 (41.HK)

$8.66

$34.8

$27.65

削減自由行的影響:

近日好明顯地見到自由行的下流力 (由高消費變作中檔消費),假如積極希望連任的CY 仍想削20%自由行配額的話,相信對零售股的衝擊比收租股更大,故此都係建議大家暫不觸手此類行業,貫徹老孤狸的名言:「唔贏唔緊要,千祈唔可以輸。」

其實股價上落還是小事,但對倚賴自由行相關行業的從業員的影響更大,失業情況恐怕亦會重見, 睇番宜家香港地什麼四大支柱行業,仍然叫做好少少的只剩下旅遊業 (金融業都得番半條人命),當然有人會話會令香港無咁迫,亦令到租金下降,令通漲下降,但觀乎近日人民幣下降,食物入口降價幾成定局;未來龐大的樓宇落成亦會令租金下降,老狐狸相信香港進入通縮可能不遠矣。

通縮會點?可能大家從未經歷過,大家睇下書啦,老狐狸只可以贈你:「自求多福」四字而已。


-->
免責聲明:以上的推介並不構成任何投資建議,投資涉及風險。