當前的位置 : 首頁 > 所有文章 > 財技心法
傳說之中的冥鬥士
作者 : 魂斗羅 | (人氣:558) | 2014-12-09 11:06

對於一眾吃日本動畫奶水的宅男來說,聖鬥士星矢肯定其中一部耳熟能詳的經典,而當中聖鬥士存在的目的就與現今的高登仔差唔多,就係要保衛女神而去做兵,最後還要準備在終極聖戰中對決冥鬥士,隨時小命不保跟手打柴,冇主角威能真係條女幾索都假。

講番冥鬥士的由來,佢地通常隔256年先挑機一次,因為上一次就係俾上一代主角封印,呢次走出黎又唔知邊條茂利打開左個潘多拉的盒子放左班友出黎,總之世間所有事離不開兩個字,循環。

 

最近大新聞除左警棍怒爆暴民天靈蓋之外,仲有就係主要商品,石油,價格大跌向下,一路下來全無承托力可言。其實除左石油外,一眾原材料如銅,煤,鐵礦石,天然氣等等……價格也拾級而落,揸左期貨嗰班炒家與一眾礦主當然首當其衝,但係買原材料負責生產的廠家終於見到曙光。

20141209_2

一不離二,由QE開始狂印貨幣的美元最近逐步轉強。反觀歐元,澳元,紐元,日圓,英磅,加元全部無一幸免,睇黎美好既時光已經過去,兼且走勢更與原材料及商品價格互相驗證,前景更見悲觀。記得以上部分商品貨幣開始走強之時,正正就是原材料價格上升初期,及後在2008美國領左嘢要QE救市,一眾商品貨幣更是火爆地狂升,現在周期看似已經走完,大家可以開始計劃定去旅遊了。

20141209_3

 

否極泰來的還有被大家遺忘的中國A股市場,近日更創出近萬億成交,冇貨在手的散戶只能目定口呆。以小弟馬後炮式分析,看來中國政府已找到門路把市場上的資金或是地下的資金導入股票市場。習主席通過打貪把貪腐,通脹,房價,豪賭,非法資金流出國外,一次過壓下去,在存款利率低下的日子,資金已只有股票市場可去,打貪紅利終於出現。只要潘多拉盒子一開,數以億計的爛賭股民一旦覺醒,到時就真係"自己股票自已買","我要數銀紙"。

 

今次冇乜股票講,其實大家只要沿着A股相關概念去搵,或者睇下筆者及老狐兄之前關於滬港通的文章,已可買到你冇錢過冬。


-->
作者 - 個人投資者,喜愛以技術分析角度看股市,簡而言之追漲殺跌。
免責聲明:以上的推介並不構成任何投資建議,投資涉及風險。