當前的位置 : 首頁 > 所有文章 > 其他財技
一星期內派彩的股票 瀋陽公用發展 (00747)
作者 : 李洛克 | (人氣:500) | 2014-06-22 15:12

上回講到,返兜東麟農業(08120)同埋三丸 (02358),希望賺返少少錢換部 LG G3 手機。幸運地,兩隻股票在我返兜後都有唔錯升幅。東麟農業(08120)掂過$0.192,較我返兜價高20%。而三丸(02358)我喺開市(6月9日)買入後,最高曾升到$0.137,有接近20%升幅。但不幸地,我沒有抓緊機會沽出。股價好快又打回原形,東麟農業 (08120)更加跌破返兜價。所以可能要等到LG出G4,我先有機會換手機。

股場失意 賭場得意

股票市場揾唔到食,唯有尋找下另類投資,睇下有無出路。本身係典型「大賽球迷」(即係平時唔睇波,到左乜盃物盃先會睇下嗰隻。)的我,又點會「放過」世界盃的賽事。古語有云:「睇波不賭波,睇來幹什麼。」更何況齋睇係完全感受唔到勝出隊伍的喜樂。所以世界盃揭幕戰巴西對克羅地亞,我決定「豪賭」一百大元與巴西共同進退。

細看主客和賠率,巴西赢分好少。再睇吓波膽,巴西赢3:1賠10倍,好似幾好分喎,就買波膽啦!!最後,巴西「泥碼」入2粒,同埋唔知乜水臨完場整多粒,真係中左波膽3:1。非常符碌地收返$1000幫補下,馬會今次真係「十倍返しだ!(十倍奉還)」。

1.jpg

上次開下盤 今次受讓半球

半年前,買入過瀋陽公用發展(00747),原因是有配股消息,而受公司法規定,配股價不得低過股票面值。當時,瀋陽公用發展(00747)的股價是大幅低於它的面值人民幣1元,所以買入博它配股成功炒上。但是,在配股完成日期前10天,竟然開下盤,話要把配售日期延至6月30日。

宜家又差不多到配售完成日期,今次會否撻Q就唔知,但較早前公告了今次配股已獲中國證監會批准,可以話已經刪除了一個障礙,揸住半球來踢。但最後會否入波,又或者入左波贏唔贏到場賽事,就要睇埋呢幾日既發展。始終配股價與現股價沒有必然關係,配股成功都未必一定會升,至於值博與否就見仁見智。表面贏梗既賠率一定低,好似阿根廷對伊朗,只賠1.06咁大把,買中都無肉食,仲要不是零風險,最後都係靠美斯補時階段入一粒險勝。但有啲風險又未必輸硬既賽事不防一買,好似西班牙對荷蘭,個個諗住西班牙贏,點知西班牙被荷蘭大炒1:5,主客和荷蘭贏仲要賠成4.7倍!!


-->
免責聲明:以上的推介並不構成任何投資建議,投資涉及風險。