當前的位置 : 首頁 > 所有文章 > 其他財技
大事件?抑或大茶飯?
作者 : 魂斗羅 | (人氣:442) | 2014-08-02 14:52

香港社會近日確是沸沸揚揚,勁爆新聞一單接一單。當世界杯結束 後,意想不到地由法國球隊與葡萄牙球隊接力出場,本地球迷眼福真的不淺,只要朋友多真係包你睇到笑呵呵。同一時間全城首次舉行鬥多簽名大賽,去到邊都有得 簽,檔口仲多個便利店。但數到最爆都算係肥佬黎,以所謂一人之力力挺各民主聖鬥士,真係雅典娜都唔係佢嗰皮,看來聖戰真的近了,希望樓價跌咁D。

其實對於投資者來說,將會發生而又極其重要的可算是港股直通車的變奏,滬港通。簡單來說即是兩地投資者可以投資各自兩地的股票,互通有冇,取長補短,高沽 低揸。且見近日有一堆H股已率先起動,全部都是相對A股有一定折讓,明顯地行船爭解纜,平貨我買先。如果大家有留意本網站其他文章,本網資深作者老狐狸已 有兩篇大作關於滬港通前值得注意的證券殼股,近日已有個別證券股開始上升,果真料事如神。既然主菜已被品題,小弟就借題發揮講一下其他有關類別。首先港交 所(388)肯定是第一隻受惠股,所以在宣布滬港通當日已大升,再消化一輪之後,又再創出一年新高,冇買夠貨既話真係要打爆部報價機出氣。

1.png

假設之前有卷商公司老闆預先收到消息滬港通即將宣佈,如果你是老闆你會點做呢?如果冇諗住賣殼而又想趁勢大展拳腳或者母公司背景強勁,佢地又會點搞呢?我 相信將公司揼大,增強實力備戰會係指定優先動作,繼而盡量將股權集中,爭取最大利益就係例牌。只不過小投資者又會點揀呢?以下海通國際的例子可能有些線索 提供俾大家參考。

公司在 2013 年 3 月已率先供股,個人感覺係有點兒春江鴨的味道,始終海通在國內背景強勁,人脈關係網絡強大,相信很多投資者也非常清楚,所以當供股結果公佈時,大家也會心中有數。

2.png

一如所料,大家係2仔底死跟供股。可能大股東見大家咁勇猛,想趁開波之前繼續補強實力,所以係2014年4月再供一鋪,但求有錢攞錢有股攞股。

3.png

呢次結果和上一次基本一樣,散戶全數跟供。可能這次集資目的已經非常明顯,大家都知道大茶飯是在不遠的將來,所以一於再次死跟到底。雖然滬港通現時還未開通,不過海通國際665的股價自供股後已經夠交貨有凸,希望到開通之時場面火爆,各股民又可再魚翅撈飯。


-->
作者 - 個人投資者,喜愛以技術分析角度看股市,簡而言之追漲殺跌。
免責聲明:以上的推介並不構成任何投資建議,投資涉及風險。