當前的位置 : 首頁 > 所有文章 > 賣殻股票
潮流興創新 - 創新電子控股 8346
作者 : 小炒黃 | (人氣:1463) | 2017-04-17 23:41

小弟處子之作 - 穩中求勝1591 都叫交到功課, 由出post 日到4月10日 都升左2成幾, 出完post就行, 跟手CCASS異動, 轉頭就配股, 開車就行。回顧一下1591, 今年3月28日入CCASS 24%落德建證券, 跟手4月7日出通告- 控股股東配售現有股份令股票急升, 疑似分段賣殼, 賣盤情緒升溫, 大股東持股有75%減持到51%, 保住控股絕對話事權, 有咩唔對路就可以用盡2成配股招式保住絕對控制權, 進可攻退可守, 睇黎一周年後就會大股東正式失去控股地位, 亦即係賣殼完成。


講完1591, 就要講下今日的題目: 潮流興創新。咁要講既股票點都同創新有關, 不過唔係業務創新, 係隻股票叫“創新”電子控股(8346)。呢隻股票有咩引人入勝之處, 又分幾個重點講講。 


第一. 股票重有一個月多就夠一年期, 亦即話可以好快賣殼。未知是否為慶祝一歲大壽, 早前4月21日疑似大股東入貨落CCASS,  (入CCASS 股數同大股東持股一樣(持股比率75%)


第二. 股票乾身乾到龜裂,除左大股東本身明手渣75%。 另外這股票係創業板全配售上市, 即係你想抽都無得抽, 所以貨源歸邊, 你見配售價0.53, 可以炒到8蚊, 炒高十幾倍, 試問唔乾身又點爆。再者, 再睇番配售結果, 你會見到頭10大承配人渣81%2成貨, 加埋大股東兼主席劉生75%,即係+5%貨係11個人手上,教我如何可以不炒它。再者, 睇番上年8月頭, 短短半個月可以由1蚊炒到上2蚊, 話唔乾我打死都唔信。


第三. 如果你有翻開招股書 (我估無咩人會睇, 因為無得抽, 全配售形式上市, 睇黎都晒gas, 重要一開重要一開gap up 幾倍, 點玩呀) , 你會見識到大股東主席兼執行董事劉先生有幾猛料, 有興趣而又未睇既可以睇番招股書有興趣而又未睇既可以睇番招股書P.151, 劉生做過好多間上市公司執董, 例如:439 光啟科學 (有研究財技既朋友都會識既重組股, 前身英發國際), 630 雋泰控股(前身輝影集團), 而做過執行董事既公司有607 豐盛控股(前身匯多利)、559 精藝集團 (前身德泰新能源)、166 新時代集團、164 君陽集團(前身上海策略)、384中國燃氣(前身岩井國際控股) 、910 中國三迪控股 (前身林大), 而佢自己做主席兼執董既就有8148 奧柏中國同埋今日分析既8346創新電子。頭先提過既公司有個共通點就係都改過名, 同變左身, 自然對8346多一點暇想


第四. 業務簡單, 加上估值一個字講完: 便! 現價市值約2億2千萬, 殼價保守3億, NAV $0.24 (1 億4千萬), 就咁計NAV 加殼價都都可以上到4億4千萬, 大約有一倍升幅。如果浮上水面番招股價有成倍幾升幅


第五. 睇番最近期業績, 無長期負債, 含金量都唔低, 有8600萬, 佔市值4成, 防守性高


講晒d 優點, 都要講下有咩缺點


一. 流動性風險(liquidity risk), 個bid ask spread 都幾闊(擘價闊), 即係你要買貨時就要跳格掃高, 沽貨時要沽貨時要低幾格沽。重有想入多d貨都唔係咁易, 因為無咩offer, 不過又一証明乾身程度都幾高, 不願沽貨, 唔益街坊


二. 由於乾身, 易被舞高弄低機會大增, 投資股票有升有跌, 請大家扣好安全帶, 唔對路就要跳車止蝕保平安, 留得現金在, 那怕無殼買呢...


利益申報:本人並沒有持有以上股票


-->
作者 - 小炒黃, 熱愛股票市場, 期望炒出個未來! 無股不歡, 除左老千股。炒股格言: 炒賣炒賣, 炒高完就要賣, 切勿留戀!
免責聲明:以上的推介並不構成任何投資建議,投資涉及風險。