當前的位置 : 首頁 > 所有文章 > 財技心法
新股方程式
作者 : 小炒黃 | (人氣:1093) | 2017-04-05 10:42

新股方程式


本人抽新股唔經唔覺都抽左成十年, 都可以話略有心得, 近 2 年殼股熱潮澎湃, 抽細細粒既新股都可以有不錯回報, 雖然中得唔多, 自然賺得唔多, 不過, 山大斬埋有柴, 抽新股亦都不失為一個唔錯既投資選擇。至於如何提高命中率(抽中的機會), 好簡單姐, 落多d 注碼, 孖展孖多d, 搵多幾個親戚朋友幫手抽。 但如何提高勝算率, 小弟都可以分享下自己點樣選擇新股, 方程式如下:


1.股權集中程度: 大股東持股比例愈高愈好, 最理想係單一大股東渣75%上限, 街貨25%

2. 市值大小:市值愈細愈好, 細細粒, 小量資金已能炒高, 偏好5至6億樓下

3. 集資額比例: 愈小愈好, 啤殼機會增

4. 保薦人: 睇番保薦人往績, 睇下係益街坊多定派貨潛水多

5. 禁售期: 因為上年証監會對新股上市啤殼有微言, 新股老闆為左容易d過關批佢上市, 有好幾間新股老闆都自願延長禁售期避嫌。一般延長既新股就算炒上都唔會升好多

6. 公司員工背景: 睇公司執董、非執董有無財技背景。

7. 上市時市況: 市況好, 抽咩都升

8. 超購情況: 一般情況, 如果超購唔多, 就千祈不要大手孖展, 因為分分鐘鐘中多過你預期, 供求關係, 超額唔多, 即暗示供過於求, 無人要, 自然就要坐艇

9. 配售比例: 如果100%全配售, 亦即話唔受你玩, 之前既創業板多數係呢類型, 全圍飛, 任佢開, 所以見到咁多十倍股出現就係因為無街貨, 貨源歸邊。一般新股配售比例都係90%, 如果小過呢個數要小心, 例如1536, 配售比例 0% =100% 公開發售,  就潛左水

10. 業務獨特性: 如果業務獨特, 明牌效應, 可以加分


黎緊都好多新股上, 大家都可以自己為新股評分, 衡量值唔值得抽。有信心者可以係暗盤入貨或加注, 4月7日既1667 進階發展集團都可以留意下。


利益申報:本人並沒有持有以上股票

以上純屬個人意見, 並不構成投資建議或勸誘。


-->
作者 - 小炒黃, 熱愛股票市場, 期望炒出個未來! 無股不歡, 除左老千股。炒股格言: 炒賣炒賣, 炒高完就要賣, 切勿留戀!
免責聲明:以上的推介並不構成任何投資建議,投資涉及風險。