當前的位置 : 首頁 > 所有文章 > 賣殻股票
殼, 全部都係殼??? - 1355 朸濬國際
作者 : Kelvin Yuen | (人氣:1925) | 2017-03-16 13:35

殼, 全部都係殼???

今次探討既依一隻擺到明就係殼.

點解? 因為佢已經易過手一次囉。

 

依隻就係1355朸濬國際(音: 力睿)。

首先講下少少背景資料同有景滾既地方,如果唔想睇就直飛去下面既"值得買入既原因"。

 

2015年5月方丈先生(應該係方文先生至岩)以總代價156,941,992港元賣左比買方中華醫學海外(相當於每股1.53港元)。原有酒店業務繼續。由於以上數量的股份相當於本公司全部已發行股本約32.66%,根據收購守則規則26.1,要約人及其一致行動人士須作出有條件強制性現金要約,以收購全部已發行股份以及所有尚未行使的購股權,每股要約股份之股份要約價為1.53港元。

同年7月要約人中華醫學海外已接獲合共58,626,000股要約股份,加上之前5月既交易,要約人擁有的權益相等於全部已發行股本約51.20%。

及後8月,建議以當日市價折讓36.51% (即0.80港元)進行4供1,(聲稱)作為集團投資活動和一般營運資本,合共發售78,704,999股。包銷商為盛源證券SHENG YUAN SECURITIES LTD。

10月公開發售結果顯示,供股獲88.12%認購,當中承購股東中華醫學海外認購左40,300,616股發售股份(即51.20%)。其餘9,352,571股未獲認購之發售股份(即11.88%)由包銷商盛源證券認購。


11.png

 

正如股價圖所見,1355既股價從此一蹶不振,甚至跌破供股價0.80港元,幾度觸及0.74港元。不過係依段時間,並唔係直觀咁樣,反而搞作連連,難免惹人暇想。


22.png


 

以下係經過簡化既射倉時間表。

 

2016年3月開始,中華醫學海外掌控既51.20%股權透過中州國際金融控股有限公司CENTRAL CHINA INTERNATIONAL SECURITIES擺返入CCASS。

同年5月25日,1355向不少於六名承配人按配售價認購本金額合共最多為51,000,000港元之可換股債

券,換股價為0.930港元,為經發行換股股份擴大之已發行股本約12.23%

係差不多既時間,華融國際證券HUARONG INTERNATIONAL SECURITIES LTD係不同既途徑收集股份,包括之前5月供股既包銷商盛源證券。

再之後7月,華融將共37,000,000股(9.4%)射返返去比盛源。

8月,GF SECURITIES (HONG KONG) BROKERAGE LTD同華融射倉去FREEMAN SECURITIES LTD,12月再射去CCB INTERNATIONAL SECURITIES LTD,最後於2017年1月最新共10,162,071股(2.5%)落戶到CHUNG LEE SECURITIES CO LTD。

 

*值得買入既原因*

 

1.憧憬注資: 依隻殼2015年5月易手,不經不覺已經過左一年半。上市規則第14.05條指出,轉手24個月內,向新股東進行收購而構成非常重大的收購事項的話,將會視作反收購行動。宜家距離兩年之限得返幾個月,憧憬1355將會完成埋成個易手入主已經係好好既炒起原因。

 

2.憧憬再度賣殼: 依家易過手既殼除左好正路咁注資,仲可以好似264卓高咁再度轉手。依個動作既可能性其實都幾高,因為宜家既大股東中華醫學海外似係一間空殼公司,冇實質業務。Webb-site顯示,依間公司僅在2015年5月成立。加上一年內以來,1355連公司名都未改,亦無炒起過,繼續維持高度集中。宜家殼價又水漲船高,再度易手比實力相當既企業其實都唔係冇可能。

33.png

 





無論炒起原因係咩都好,會炒起就係值得買入既股票。

CCASS首10名持股人共持有83%股份。依個數係未計2016年5月配售左而又有機會會兌換成股票既CB。2015年5月至今,未計隱藏既成本,大股東已經付出左3億去做收購供股。做完一系列既動作,大時代已經結束,無法炒高回收資金。1355原本既酒店業務又因為營運艱難而擴大左虧損,養殼都要錢,試間又有邊個,明知道手上有個咁好既賺錢工具,都唔去大賺特賺,反而會擺埋一邊攬住隻殼過世? 更何況宜家既揸FIT人唔係一般既商家,而係親手買隻殼返黎深知殼既價值既玩家。

 

之前公司分別係11月同12月委任執行董事吳立新以及非執行董事陸澤峰,陸澤峰「於二零零零年十月至二零一六年五月期間,任職於中國證券監督管理委員會,並擔任多項職務,包括法律部處長及機構監管部處長。陸先生亦於山東監管局擔任局長助理及副局長及中國上市公司監管部擔任副主任。」相信憑佢既人脈,舖橋搭路去整場大龍鳳唔係一件難事。

 

44.png


 

55.png

 

 

睇返股價圖,大致形成緊一個大圓底既格局,2016年3月突破下降軌,一浪接一浪,現時算得上是一個多頭升勢。最近較矚目的是2016年12月20日錄得一支巨陽,係FREEMAN射倉到CCB既場內交易(約佔總發行股數2.5%)以及CHINA EVERBRIGHT SECURITIES (HK) LTD從數間證券行收左批貨(約佔總發行股數2.5%)所致。2017年1月10日曾經嘗試突破高位1.30港元,但係未能成功,暫時回落到現價1.08港元,接近支持位1.00港元,亦接近20天均線。順帶一提,2016年5月配售CB既換股價為0.93港元。


若以1.3為高位,0.7為低位,使用調整黃金比率計算可能出現既支持位,0.382: 1.08港元; 0.618: 0.96港元。建議按現價落第一注,若繼續調整則在0.96左右既位置再下一注; 不過較相信新年過後隨著資金重投大市令氣氛好轉,1355股價係有心人既推動之下有機會突破高位1.30港元,短期可以先上望1.50。不過既然有注資或再度易手既概念作為炒起既理由,策略上大可以分批逢調整買入,咁就可以係減少時間成本既同時,靜待股價炒起,將利潤最大化,相信幾個月至半年內必有收穫,過返個肥年。


-->
作者 - Kelvin Yuen,朋友中意開玩笑叫我"KY"(世界知名品牌,唔知就好過知xd)。塵世中一個迷途小書僮,希望自己將來有能力同財力令世界變得更美好。
免責聲明:以上的推介並不構成任何投資建議,投資涉及風險。