當前的位置 : 首頁 > 所有文章
路易小記之買入法
作者 : 路易 | (人氣:1135) | 2015-06-22 13:11

路易今後一有時間就會出一D文章, 唔一定次次講股票冧把, 有時是講下心態甚至做人態度, 有時是講下策略, 始終唔同性格嘅人投資嘅方法都唔同, 人人都想每日都有升幅第一嘅股票, 但呢個只係愚昧的貪婪, 根本不切實際, 搵到適合自己的買入法才重要.

 

財技中人, 多留意公司的財技動作, 高級D用埋操盤加技術分析以增加得勝率. 如果大家有深入去睇路易的文章...... , 路易你有打錯字喎! 喂路易, 有時資料唔夠準確喎! 如果你睇到呢D, 恭喜你, 你起碼有用心去睇同研究, 值得鼓掌. 不過我地唔好學人一路睇免費電視, 一路又好集中搵穿崩位. 講真, 免費娛樂仲要日日製造, 真係唔容易架! 你叫路易日日寫文, 一年寫365隻股, 你唔悶我都悶! 始終我都是一個業餘寫手, 為興建, 為提昇自己而寫作, 所以如果見路易有乜做得唔好, 歡迎大家指教, 總好過無方向冇靈魂地去睇冧把而學唔到嘢.

 

近期, 出財技, 出收購消息的股份越來越多, 除非你好多注碼或每隻只買細注, 否則可以講是有錢都買唔哂, 咁路易點去選擇呢? 除了收購, 配拆合供新股及純乾股等等都有機會, 咁點攪好呢? 路易同大家研究下幾招, 仲會改幫買入法改DD嘅名, 等大家知少少股票歷史, 路易總覺得知D股票歷史對投資是有幫助的. 如果你能舉一反三, 將前人成功的經驗又結合到香港目前的股票市場及財技股投資「發」, 點會唔發??

 

第一招: 鄧普買入法

鄧普有一個經典買入法, 就是1939年用10000美元, 買入了104隻手$1美元以下的股份而賺第一桶金.

簡單來講就是分散投資, 好處是成個組合波幅少, 持股壓力細, 而且只要是牛市, 理論上是必羸的. 當然, 當年的所謂第一桶金同現時已有好大分別. 另外太過分散投資的壞處是交易費高, 而且可能會買入過多垃圾股而影響回報.

簡單來講: 亂買細價股, 但當然要在相對低位.

 

第二招: 彼得林奇買入法

彼得林奇亦會買入大量股票, 之後再作分析及加碼個別優質的股票, 同上堂時講的加注法有點相似. 林奇會深入研究有機會升十10倍的股票, 原因是平均買十隻股票, 其中只要有一隻升10, 成個組合已經是必羸, 因為另外九隻已經是免費的了. 林奇的投資亦好生活化, 例如買入太太用開嘅日用品嘅上市公司. 財技股唔一定可以生活化去睇, 但轉一轉腦筋就可以變國策化了. 如果留意到有股份有財技動作又有國策概念, 好難唔炒呢!

簡單來講: 買入數隻比較有把握的股票, 搏其中一兩隻升10倍或以上.

 

第三招: 索羅斯買入法

索羅斯的投資方式是快狠準, 1992年狙擊英鎊一事就可以知道索羅斯是分析透徹,集中攻擊, 同操盤班教的ALL IN 方式原理差唔多, 只不過我地冇可能借到索羅斯的孖展額度.... haha

簡單來講: 分析了一隻股票, 認為是有可為, 勝率高, 大注買入. 當然, 回報高風險亦高.

 

大家可以思考一下自己喜歡或承受到邊一種買入法, 每個人是唔同的, 所以冇一種方法是最好的方法, 你再自創方法亦可, 贏得嚟又細水長流就是好方法, D錢洪水泛濫咁嚟之後決堤亦係冇用, 所以升到得意忘形就要小心了.

 

最後講埋路易喜歡的德國股神科斯托蘭尼, 有一句話我成日記在心的:

人必須投機!

點解路易咁多句唔記淨係記呢句? 因為有一日我唔駛投機就即係我搵到自己目標嘅錢啦!! 咁簡單!!

 

希望大家都有進步, 亦有所得著, 路易下次同大家分享其他.

 


-->
免責聲明:以上的推介並不構成任何投資建議,投資涉及風險。