當前的位置 : 首頁 > 所有文章 > 優質股票
一隻叫緊幾飛嘅股
作者 : 路易 | (人氣:2804) | 2015-06-10 12:58

路易唔知而家宅男宅女年代, 仲多唔多人圍埋一齊打麻雀, 仲會研究下點玩食糊嘅機率會高啲. 有人話: 「寧叫卡窿,莫叫對碰」, 繼路易話:「唔理對碰卡窿, 總之唔好出銃 !!」好似玩股票咁, 唔係嬴硬架, 識防輸先係確保長遠贏錢之本.

 

打麻雀叫糊, 有詳好過叫兩飛? 就係叫好多飛囉 !! 個個都想食大三元, 大四喜, 十三么之類, 未必是因為錢, 而是因為做牌時果種難度, 同食得出奇牌嘅滿足感. 路易食過不下20次十三么, 但做十三么牌呢, 可能做了過百次, 大家都知十三么好易比人打斷章的. 大四喜呢, 路易由十幾歲到而家打了二十年都未食過! 唔好講大四喜十八羅漢槓上槓海底撈月自摸果啲拍戲先有嘅奇牌了.

 

係唔係因為Phemey同周顯大師出了《六合投資王》所以教埋大家賭錢呢? 講真, 路易賭錢嘅級數同投資王啲專家差好遠, 絕對唔敢班門弄斧. 不過, 有些賭錢同股票嘅共通點大家可以用科學的態度去分享一下.

 

大家都想贏, 更想食大牌, 同理, 個個都想自己隻股升10倍甚至100倍, 但同食大牌嘅原理一樣, 奇牌唔係真係咁易食, 十三么其中一隻牌比人打咗三隻, 都未必會再堅持做十三么了, 有時都要食下混一色呀, 對對糊之類, 有時黑起上嚟, 雞糊叫幾飛都食唔出仲要出銃架. 有時輸了士氣, 兵敗如山倒, 所以必要時睹錢同炒股票都係要識防守, 定一定神再出擊好多時比死唔忿氣狂攻的效果好!

 

大家靜一靜, 諗一諗路易以上一番話, 同你平時炒股票有冇一啲共通點? 如果你沒有共鳴, 一係你好順利, 百發百中, 所有股52WK低位買到沒有震過, 又每次最高位走到. 另一個可能, 就係你入世未深, 贏輸都只係覺得好彩或唔好彩, 講衰啲就係, 贏錢唔知自己贏乜, 輸錢又唔明點解.

路易一向否定自己的運氣, 原因是冇得計, 更唔知幾時自己好運, 幾時自己衰運, 要成件事完成先知當中好唔好運, 咁點攪? 好簡單, 順手時做到唔順手為止, 唔順手時, 定一定神, 觸角出返嚟再出手!

 

路易暫時講過的股, 因為市旺, 又真是有點好彩, 而且推介時都是在相對低位, 所以得勝率是100%, 起碼冇一隻是一跌升唔返的, 最叻的仲升了幾倍. (在此聲明, 路易不建議在爆升好多後先追入, 更加唔好因為自己高追冇錢贏將責任推比人, 我推介的股大部分是介紹後先升, 從來唔會升高後推介令大家冒險, 當然總有一日乜嘢股都爆升哂難以在低位推介, 請理解)

 

呢幾日, 少年股神郭基富(Keith Kwok)同路易講, 有些學生見到路易嘅股全部都命中, 連生力啤(HK0236), 南南(1229.HK)呢啲報紙都唔會見到名嘅都捉到, 顯得幾驚訝, 唔明路易點捉的. 我同少年股神講, 全靠三神 ! 當然唔係福祿壽啦.... HaHa

邊三神呢? Win神(Vincent Sir), 喵神(Melson Sir), 同少年股神(Keith Sir)囉!! 又比我改哂名, 所以我講過幫人改名是病態嚟HaHa....

不過半年前嘅路易都係以為財技係呃人, 操盤係Day trade, 有啲股捉中都冇信心去跟, 因為一出閘Concept不清, 而路易是必須要了解清楚才有信心去做嘅人, 多得Vincent, Melson, Keith比我問完又問, 令我過到自己過到人, 我先可以推介咁多好嘢比Phemey.com嘅讀者.

 

好了, 今次口水多了, 今次介紹的是幾穩健嘅股票, 講明先, 我信佢可以升一倍或以上, 但未必是在極短的時間, 如果好怕波幅嘅朋友, 是可以留意下的. 上次介紹的是一世發發(1488.HK), 今次少一個字,  勢發發~~~ 麗新發展(0488.HK).

 

麗新系的股票有191, 488, 1125, 571, 8075

 

由於唔想太文章太長令大家悶, 路易今次只講研究麗新系的原因, 點解我話麗新系是叫緊幾飛:

 

第一飛: 炒重組

長和系的重組是一個借鏡, 讓大家知道執好各上市公司的資產就會令估值上升, 老闆用的資金不多就可以做到股價大升, 幾乎是沒有風險令股價升的方法. 早前順豪系及華大就做了些動作去釐清了各上市公司的業務及資產, 股價都有正面的反應!

 

第二飛: 炒收購

國內不少大集團收購了不少香港的證券公司, 但比較少人留意國內地產商對香港的物業市場都好有興趣, 君不見越來越多香港投地是國內地產公司有份參與? 唯一難度在於, 麗新系會賣哪一隻, 但路易覺得值得留意麗新系的股價及財技的異動. 我傾向睇488的原因, 是因為488的收租物業都不少, 香港的租金回報比國內的好, 法制亦比國內的穩健. 如果國內有些地產商傾向買入收租物業, 學新地(0016.HK), 太古(0019.HK)等持有不少收租物業, 改善自己公司靠賣樓獨沽一味的生意模式, 麗新就有可能被收購.

 

第三飛: 折讓

麗新系的資產折讓好大, 以488為例, 每股資產值$1.03但執筆時股價是$0.206, 只有資產的20%, 當然, 麗新是長期折讓的, 但今次的牛市路易認為只是開始, 真係不停壓住大折讓比平貨人買?

 

第四飛: 海洋公園酒店

麗新夥拍萬豪酒店的海洋公園項目要幾年後先完成, 投入亦要四十多億, 麗新安排四年期有抵押定期貸款融資時, 獲得超額1.96倍, 好明顯, Banker 應該是非常睇好該項目的, 始終個營運合約長達數十年. 大家又幻想一下, 國內地產巨無霸如果攞到海洋公園酒店, 對集團形象好唔好呢? 即使麗新唔賣盤, 如果將來又在國內開幾個海洋公園+酒店.... 如果麗新又有份, 幻想空間冇限大! 照正路睇, 香港海洋公園酒店每年的生意應該很不錯, 會帶比集團可觀嘅收入.

 

第五飛: 財技

2014年5月建議削減股本以抵消累計虧損

2015年1月授出購股權更改股份之每手買賣單位(由每手1000, 變成每手15000)

如果做完呢啲財技是向下炒, 小弟甘拜下「瘋」,因為傻嘅莊先會咁而向下炒.

 

第六飛: 圖表

1.png

 

好驚嚇??? Haha....... 488上一次在$0.5以上已經是15年前嘅事, 咁現水平乎唔乎合價位乾嘅原則呢? 當然, 48840億市值, 即使90%乾都有4億街貨, 但總之下跌空間好有限, 唯一風險在於不能估計大股東會唔會供股, 但要到時睇條款, 可能反而是好事來的, 十幾年冇大動作, 尤如死火山發作!!

 

如果呢隻塵世間普遍人都唔會理嘅488都比路易睇中, 大家就要試下路易的分析方法, 未必發達, 但多數都執到唔少囉!! 路易仍可以仔細講488, 但香港唔多人喜歡睇太長的文章, 而路易亦好忙, 唯有做「慳DBaby~~~~

 

路易都曾經潦倒過, 不過「操盤小王子」郭基富同路易講: 你破解到心魔就會好了, 每個人都會有心魔而影響投資回報. 佢仲話: 唔好以為只有佢得, 個個努力都可以得 !! 所以, 即使你玩過麗新系而以往的回報唔好, 唔代表佢唔會炒, 唔好比麗新個名而影響個分析!!

(其實我鍾意寫佢「操盤小王子」, 因為佢炒得而且份人玩得, 用個變態啲嘅名叫佢, 路易會開心啲..... .wakakaka)

 

最後, 如果你又從其他股票睇到叫緊幾飛, 贏面高, 何解唔試下破解自己的心魔, 信自己去選股, 仲要不停問人number?

 

Phemey.com 下的同學, 朋友, 讀者, 一起努力吧 !!!!


-->
免責聲明:以上的推介並不構成任何投資建議,投資涉及風險。