當前的位置 : 首頁 > 所有文章 > 優質股票
好嘅啤酒係要嚟多round
作者 : 路易 | (人氣:2130) | 2015-06-05 16:55

講股可以搵路易, 倍升股就係生力!!

 

二月時, 路易講過的阿諾豬華生力啤(香港生力啤酒廠有限公司, HK0236)由介紹到高位曾經升過一倍幾, 咁為乜路易又要嚟多round呢? 因為..........好飲嘅酒又點會飲一round呢?

 

今次呢, 最主要是補充返二月時路易文章嘅不足, 當時路易始終係寫作的生手, 路易又是一個讀完書十幾年的中年漢, 腦筋唔靈活, 文筆生疏, 知識水平有限, 睇數據又唔夠準確........ 下刪一萬字. 唔貶下自己又點解嘲 ? 不過, 總算冇介紹過特別差嘅股, 路易幫到人已經好開心了.

 

又用我最常用的手法, 比D資料大家睇, 之後又講解下.

 

(節綠自2003年生果報)

長實於94年初以每股7.5元,向馮永祥旗下的新鴻基工業購入約3700萬股生力啤,佔已發行股本約一成,由於當時市傳生力啤將搬遷位於深井的啤酒廠,此舉令市場人士相信,長實覬覦深井啤酒廠地皮的重建價值,令生力啤股價曾在1個月內由4.2元,急升至近8元水平。

當年入股志在地皮
生力啤其後招標出售深井啤酒廠地皮,最終由會德豐以35億元奪得。生力啤亦因此於94年度增派股息,令每股現金股息高達4.51元。
不過,以李嘉誠於94年買入生力啤開始計算,至去年共9年每股收息共5.72元,若加上昨收市價1.82元,每股價值為7.54元,較當年李氏每股買入成本7.5元,僅高出4仙。

1.jpg

 

睇完生果報同上圖, 時至今日, 誠哥同國寶兄的入貨成本應在1.7左右, 誠哥似乎亦將股份轉了比長和. 近幾個月不少誠哥持有的非長和系股都爆升, 希望帶契埋生力啦!

2.jpg

生力啤的面值有$0.5, 很多股票只有$0.01-0.1, 呢個有乜用呢? 大家有冇留意過有D股削票面值再派特別息?亦有些是派完息再賣盤?生力會唔會做呢個動作將會係一個關鍵!當然,有些股是出了《收購守則》才派特息.

 

我地又計條數, 從年報睇, 生力的資產值約$1.6, 面值$0.5, 理論上, 只要股價在$2.1以下, 就相對地平了, 咁可以解釋到在資金泛濫下就有人炒起生力, 亦可以解釋到寶哥哥仍會在76歲高齡下, 雖然用嘅錢對佢來講唔多, 但在上年以$1.65去增持11.5M股份, 而唔攞埋D錢去增持東亞, 唔攞埋D錢去疏乎下, 而去買一隻自己做執董, 但當時是長年冇升冇息嘅股. 路易一直覺得, 係唔係有乜料呢?? 係唔係佢知D嘢呢? 如果是因為有錢伯伯買嘢玩而完全無料到的, 路易就被吹脹了.........

 

二月時路易講生力集團(即生力啤母公司)有個大Project------馬尼拉新機場, 因為要動用100億美元, 所以路易先估生力啤有可能賣殼, 路易好努力去睇, 目前冇乜新料, 但可能幾個月內會有新消息.

 

如果真係賣殼, 以現時殼價6, 生力啤發行約3.7357億股, 即等如每股殼價值$1.6左右, 加上前文講的資產值$1.6, 面值$0.5, 1.6+1.6+0.5=$3.7, 加上寶哥哥同誠哥再加上生力集團嘅名氣, 有溢價是唔出奇. 照牌面睇, 輸的機率唔大. 另外生力啤是非常之乾, 平時成交量亦唔大, 我都想知, 要炒上幾多, 要有幾多成交量, 寶哥哥先夠位轉身? 咁乾, 真係炒時, 好似急速倒啤酒咁, 起哂泡沫都唔出奇喎!! Haha....

 3.jpg


路易睇圖表一向覺得乾股不必100%信信奉陰陽燭, 當然路易上少年股神郭基富操盤堂時, 佢都有提過陰陽燭, 如果理解佢講嘅原理, 其實有可能盤路睇到的是同陰陽燭不同的, 所以路易更加相信自己的睇法. 咁呢張圖睇乜呢? 大家睇下見唔見到陽燭成交量大定陰燭成交量大D? 次次回都冇哂成交量, 點散貨?

 

Waiter, 嚟多round生力吖唔該!! 


-->
免責聲明:以上的推介並不構成任何投資建議,投資涉及風險。