當前的位置 : 首頁 > 所有文章 > 財技心法
牛市的投資策略
作者 : 龍威 | (人氣:1754) | 2015-04-24 16:21

股市過去一個月逛升,若大家同意現係牛三,大家應點樣部署,先可以賺到盡呢? 小弟早前提過,大部分人炒股只著重選股,而忽略心態及策略,今日再同大家分享下呢樣嘢。以小弟過往經驗,選股最多只佔炒股成敗50%,而策略同心態都非常重要,但呢家嘢你好少見報紙提及,理由係大部人只喜歡聽number, 你講心態同策略,份報紙會冇人買。反正呢篇文章點擊率,唔係小弟最關注嘅問題,所以只分享自己認為重要嘅野。

 

首先第一樣嘢,就是避免監察太多隻股票,影響加注

小弟有個朋友講,佢個倉有70-80隻股票,點樣監察呀大佬?我建議佢應該買盈富基金,即乜都有啲。小弟唔反對人一注獨蠃,亦唔返對分散投資,但返對買或監察太多股票。何謂太多?每個人能力唔同,但要小弟對股票有深度分析、並好好監察,極限係15-20隻。當然有啲人能力強玩咗股票幾十年,監察50隻股票都得,但唔係小弟及一般人能力範圍。買很多股票,每隻買小小,係很多人嘅做法,注要係因為怕執輸心態,怕股票升時自己冇份,所以玩大包圍。咁樣最大嘅問題,係分散咗注意力,減低你對個別股票嘅認識及信心,並失去對個股嘅觸角,大大降低你發屈「優質重注」股嘅能力。而事實上,一個有效嘅加注策略極為重要,因你若要短線賺大錢,一定要重注4-5隻。小弟亦見唔少人,係靠重注1隻股票發達(雖然小弟唔鼓勵),睇得太多股票,必定影響你加注策略,消耗唔少子彈,阻礙發達。

人性既貪心,又怕執輸,經常想賺晒所有錢,所以買股票時,經常玩大包圍,但實際上這樣對整體回報係無益嘅。記住,你只能夠,在某一些時間,賺到某一些嘅錢,唔能夠成日想賺晒所有錢嘅心態。


第二樣重要嘅嘢,就是要有效利用槓桿。係市況唔好時,分析及選股技巧極為重要,因命中率低,只要你㨂得差少少,都會容易瀨嘢。而到市況好及牛三時,命中率大幅提升,乜春都容易升,分析個股反而變得次要,只要擁有二流嘅㨂股能力,邊個有能力借得多錢,邊個就蠃。小弟絕對唔係鼓勵人,要經常借錢及用孖展炒股,而是應該在機會來臨時,要有效地利用槓桿,把握機會。小弟係機會主義者,深信唔同時間,同一個人做同一件事,結果可以差9條街。所以小弟一向都會準備定不少備用資金額度,以便機會來到時all in。而小弟啲備用額唔係成日用,一年一般只用幾個月。

 

俗語話有風唔好駛盡 -->

免責聲明:以上的推介並不構成任何投資建議,投資涉及風險。